REWARDS FOR JUSTICE
01
Upang masuportahan ang mga pandaigdigang pagsusumikap upang gambalain ang mga ilegal na aktibidad ng North Korea, ang programang Rewards for Justice (RFJ, Mga Gantimpala para sa Katarungan) ng State Department (Kagawaran ng Estado) ay naghahandog ng gantimpalang hanggang $5 milyon para sa impormasyong mauuwi sa paggambala sa mga mekanismong pampinansyal ng mga taong sangkot sa mga partikular na aktibidad na sumusuporta sa North Korea, kabilang ang paglilinis ng pera, pagluluwas ng mga luhong paninda sa North Korea, partikular na aktibidad na cyber at mga pagkilos na sumusuporta sa paglaganap ng WMD.
Ang RFJ ay naghahanap ng impormasyon tungkol sa pagluluwas mula sa North Korea ng mga sandatang nauugnay sa militar at iba pang mga bagay sa anumang entidad o sinumang indibidwal, kabilang ang pagluluwas ng mga naturang bagay sa North Korea.
Ang RFJ ay naghahanap ng impormasyon tungkol sa mga naghahangad na pahinain ang cybersecurity, kabilang ang mga pinansyal na institusyon at palitang cryptocurrency sa buong mundo, para sa kapakinabangan ng Pamahalaan ng North Korea.
Ang RFJ ay naghahanap ng impormasyon tungkol sa mga paglipat ng karbon sa pagitan ng mga barko sa North Korea o ng krudong langis o mga produktong petrolyong ipinapadala sa North Korea.
Ang RFJ ay naghahanap ng impormasyon tungkol sa mga mamamayan ng North Korea na ipinapadala sa labas ng North Korea upang magtrabaho upang lumikom ng pera para sa pamahalaan ng North Korea, kabilang ang impormasyon tungkol sa mga kumpanya at indibidwal na nagpapatrabaho sa kanila o sa ibang paraan ay nangangasiwa sa kanilang mga gawain sa labas ng North Korea.
Ang RFJ ay naghahanap ng impormasyon tungkol sa paglilinis ng pera upang suportahan ang Pamahalaan ng North Korea. Maaaring kabilangan ito ng impormasyon tungkol sa paggalaw ng pera, kabilang ang virtual na pera, na kinasasangkutan ng sinumang mamamayan o anumang entidad na nauugnay sa North Korea, kabilang ang anumang account sa bangkong matatagpuan sa ibang bansa na ginagamit ng North Korea o para sa ikapakikinabang ng North Korea, pati na rin ang anumang mga pangharap na kumpanya o pantakip na kumpanyang pinapatakbo sa ngalan ng North Korea at may akses sa pandaigdigang sistemang pinansyal.
Ang RFJ ay naghahanap ng impormasyon tungkol sa pagbebenta ng narkotiks, panghuhuwad ng mga paninda o paninda, at pamumuslit ng maramihang pera na sumusuporta sa pamahalaan ng North Korea.
Ang RFJ ay naghahanap ng impormasyon tungkol sa anumang pagluluwas o paglipat ng mga luhong panindad sa DPRK, na kinabibilangan ng mga luhong sasakyan, mamahaling damit na may kilalang tatak, alahas, alkohol, tabako, pabango, o anumang mga katulad na bagay na malamang na para sa mga elitista sa rehimen.
Ang RFJ ay naghahanap ng impormasyon tungkol sa malulubhang pang-aabuso sa mga karapatang pantao na ginagawa ng Pamahalaan ng North Korea.
02
Ang Department ay partikular na inawtorisahan upang maghandog ng mga gantimpalang hanggang $5 milyon para sa impormasyong nauuwi sa paggambala sa mga mekanismong pampinansyal ng sinumang tao o anumang entidad na naging sangkot sa gawing inilalarawan sa mga seksyon 104(a) at 104(b)(1) ng the North Korea Sanctions and Policy Enhancement Act of 2016 (NKSPEA, Batas sa mga Parusa sa North Korea at Pagpapahusay ng Patakaran). Sakop ng Seksyon 104(a) ng NKSPEA ang gawi ng isang indibidwal o entidad na:
Alam, direkta o hindi direktang nag-aangkat, nagluluwas, o muling nagluluwas sa, papasok sa, o mula sa North Korea ng anumang mga bagay, serbisyo, o teknolohiyang kontrolado para mailuwas ng Estados Unidos dahil sa paggamit ng mga naturang bagay, serbisyo o teknolohiya para sa mga sandata para sa malawakang pagwasak o mga sistema ng paghahatid para sa mga naturang sandata at tunay na nag-aambag sa paggamit, pagbuo, paglikha, pag-aari, o pagkuha ng sinumang tao ng nuklear, rayolohikal, kemikal, o biyolohikal na sandata o anumang aparato o sistemang idinisenyo sa kabuuan o bilang bahagi nito upang maghatid ng naturang sandata;
Alam, direkta o hindi direktang nagkakaloob ng pagsasanay, payo, o iba pang mga serbisyo o tulong, o nakikibahagi sa malalaking transaksyong pampinansyal, na nauugnay sa pagmamanupaktura, pagpapanatili, o paggamit ng anumang naturang sandata, aparato, o sistemang iaangkat, iluluwas, o muling iluluwas sa, papasok sa, o mula sa North Korea;
Alam, direkta o hindi direktang nag-aangkat, nagluluwas, o muling nagluluwas ng mga luhong paninda sa o papasok sa North Korea;
Alam na nakikibahagi sa, responsable para sa, o pinangangasiwaan ang pagsensura ng Pamahalaan ng North Korea;
Alam na nakikibahagi sa, responsable para sa, o pinangangasiwaan ang malulubhang pang-aabuso sa mga karapatang pantao ng Pamahalaan ng North Korea;
Alam, direkta o hindi direktang nakikibahagi sa paglilinis ng pera, panghuhuwad ng mga paninda o pera, pagpupuslit ng maramihang pera, o pagbebenta ng narkotiks na sumusuporta sa Pamahalaan ng North Korea o sinumang nakatataas na opisyal o taong tumatayo para sa o sa ngalan ng Pamahalaang iyon;
Alam na nakikibahagi sa malalaking aktibidad na nagpapahina sa cybersecurity sa pamamagitan ng paggamit ng mga network ng computer o mga sistema laban sa mga dayuhan, pamahalaan, o iba pang mga entidad sa ngalan ng Pamahalaan ng North Korea;
Alam, direkta o hindi direktang nagbebenta, nagsusuplay, o naglilipat patungo sa o mula sa Pamahalaan ng North Korea o sinumang taong tumatayo para sa o sa ngalan ng Pamahalaang iyon, ng napakaraming mamahaling metal, graphite, likas o bahagyang nalinang na mga metal o aluminyo, asero, karbon, o software, para magamit ng o sa mga prosesong industriyal na direktang nauugnay sa mga sandata para sa malawakang pagwasak at paghahatid ng mga sistema para sa mga naturang sandata, iba pang mga aktibidad sa pagpapalaganap, sa Korean Workers’ Party (Partido ng mga Manggagawang Koreano), sandatahang lakas, panloob na seguridad, o mga aktibidad na pang-intelihensya, o sa pagpapatakbo at pagpapanatili ng mga pulitikal na kampong bilangguan o kampo ng puwersahang paggawa, kabilang ang sa labas ng North Korea;
Alam, direkta o hindi direktang nag-aangkat, nagluluwas, o muling nagluluwas sa, papasok sa, o mula sa North Korea ng anumang mga armas o nauugnay na materyal o anumang kagamitang pandepensa o serbisyong pandepensa (dahil ang mga naturang tuntunin ay nakasaad sa 22 U.S.C. § 2794);
Alam, direkta o hindi direktang bumibili o kaya ay kumukuha mula sa North Korea ng anumang napakaraming ginto, batong titanyo, batong banadyo, tanso, pilak, nikel, zinc, o pambihirang mineral;
Alam, direkta o hindi direktang nagbebenta o naglilipat sa North Korea ng anumang napakaraming gatong para sa rocket, abyasyon, o jet (maliban kung para magamit sa pansibilyang sasakyang panghimpapawid na pampasahero sa labas ng North Korea, eksklusibo para magamit sa panahon ng paglipad sa North Korea o sa paglipad nito pabalik);
Alam, direkta o hindi direktang nagkakaloob ng napakaraming gatong o mga suplay, nagkakaloob ng serbisyo ng pagbibigay ng gatong, o nangangasiwa sa malaking transaksyon o mga transaksyon upang magpatakbo o magpanatili ng isang sasakyang pandagat o panghimpapawid na itinalaga sa ilalim ng naaangkop ng utos ng Tagapagpaganap o ng naaangkop na resolusyon ng United Nations Security Council (Konsehong Panseguridad ng mga Nagkakaisang Bansa), o na pag-aari o kontrolado ng isang taong itinalaga sa ilalim ng naaangkop na utos ng Tagapagpaganap o naaangkop na resolusyon ng United Nations Security Council;
Alam, direkta o hindi direktang nagkakaloob ng seguro, ipinarerehistro, pinangangasiwaan ang pagpaparehistro ng, o pinananatili ang seguro o pagpaparehistro para sa, sasakyang pandagat o kontrolado ng Pamahalaan ng North Korea, maliban kung partikular na inaprubahan ng United Nations Security Council;
Alam, direkta o hindi direktang nagpapanatili ng account sa pakikipag-ugnayan (gaya ng nakasaad sa 22 U.S.C. § 9221a(d)(1) ) sa anumang pinansyal na institusyon, maliban kung partikular na inaprubahan ng United Nations Security Council; o
Alam na sinusubukang makibahagi sa alinman sa gawing inilalarawan sa mga talata (1) hanggang (14).
03
Inawtorisahan din ang Department na maghandog ng mga gantimpalang hanggang $5 milyon para sa impormasyong mauuwi sa pagtukoy sa sinumang indibidwal na, sa direksyon ng o sa ilalim ng kontrol ng pamahalaan ng North Korea, tumutulong o nanghihikayat ng paglabag sa Computer Fraud and Abuse Act (“CFAA), 18 U.S.C. § 1030. Ang Computer Fraud and Abuse Act ay naghahanap ng impormasyon sa anumang mga naturang aktibidad na lumalabag sa CFAA, na may partikular, ngunit hindi eksklusibong, interes sa mga aktibidad na kinapapalooban ng:
Mga hindi awtorisadong panghihimasok sa mga computer at network ng pampubliko at pribadong sektor na may layong magnakaw ng impormasyon;
Pagpapadala ng nakakapangwasak na malware;
Pagpapalaganap o paggamit ng ransomware;
Pagpapadala ng mga bantang magdulot ng pagkasira sa, kumuha ng impormasyon mula sa, o humiling ng isang bagay na may halaga kaugnay ng computer, na may layong mangikil mula sa isang tao o entidad ng pera o anumang bagay na may halaga gaya ng ipinagbabawal sa 18 U.S.C. §§ 1030(a)(2), (a)(3), (a)(5), at (a)(7).
04
Upang masuportahan ang mga pandaigdigang pagsusumikap upang gambalain ang mga ilegal na aktibidad ng North Korea, ang programang Rewards for Justice (RFJ, Mga Gantimpala para sa Katarungan) ng State Department (Kagawaran ng Estado) ay naghahandog ng gantimpalang hanggang $5 milyon para sa impormasyong mauuwi sa paggambala sa mga mekanismong pampinansyal ng mga taong sangkot sa mga partikular na aktibidad na sumusuporta sa North Korea, kabilang ang paglilinis ng pera, pagluluwas ng mga luhong paninda sa North Korea, partikular na aktibidad na cyber at mga pagkilos na sumusuporta sa paglaganap ng WMD.
Maaari kang pumili sa maraming platform at makipag-ugnayan sa amin sa maraming wika. Upang maiproseso ang iyong impormasyon nang mabuti, hinihiling namin sa iyong isaad ang iyong impormasyon nang maikli hangga’t maaari, ibigay ang iyong pangalan, lokasyon, at mas ninanais na wika, at i-upload ang lahat ng nauukol na file gaya ng mga litrato, video, at dokumentong sumusuporta sa iyong impormasyon. Malapit nang makipag-ugnayan sa iyo ang kinatawan ng RFJ. Hinihingi ang iyong pasensya dahil binabasa ng RFJ ang bawat tip na natatanggap namin.
Mangyaring bisitahin ang channel sa pag-uulat ng tips na nakabase sa Tor sa: he5dybnt7sr6cm32xt77pazmtm65flqy6irivtflruqfc5ep7eiodiad.onion
