ប្រាក់រង្វាន់ដើម្បីយុត្តិធម៌
01
ដើម្បីគាំទ្រកិច្ចខិតខំប្រឹងប្រែងអន្តរជាតិក្នុងការបង្អាក់សកម្មភាពខុសច្បាប់របស់កូរ៉េខាងជើង កម្មវិធីប្រាក់រង្វាន់ដើម្បីយុត្តិធម៌ (RFJ) របស់ក្រសួងការបរទេស ផ្តល់ជូនប្រាក់រង្វាន់រហូតដល់ទៅ ៥ លានដុល្លារ សម្រាប់ព័ត៌មានទាំងឡាយណា ដែលឈានទៅដល់ការបន្ទុចបង្អាក់យន្តការហិរញ្ញវត្ថុរបស់បុគ្គលណាដែលជាប់ពាក់ព័ន្ធនឹងសកម្មភាពមួយចំនួនដែលគាំទ្រដល់ប្រទេសកូរ៉េខាងជើង មានដូចជា ការលាងលុយកក្វក់, ការនាំចេញទំនិញប្រណីតទៅប្រទេសកូរ៉េខាងជើង, សកម្មភាពតាមអ៊ីនធឺណិតដែលបានបញ្ជាក់ និង សកម្មភាពទាំងឡាយណាដែលគាំទ្រដល់ការកើនឡើងយ៉ាងឆាប់រហ័សនៃអាវុធប្រល័យលោក (WMD) ។
កម្មវិធី RFJ កំពុងស្វែងរកព័ត៌មានអំពីការនាំចេញសព្វាវុធយោធា និង ទំនិញដទៃទៀតពីកូរ៉េខាងជើងទៅឲ្យអង្គភាព ឬ បុគ្គលណាម្នាក់ រាប់បញ្ចូលទាំងការដឹកជញ្ជូនទំនិញបែបទាំងនោះពីកូរ៉េខាងជើងផង ។
កម្មវិធី RFJ កំពុងស្វែងរកព័ត៌មានអំពីអ្នកទាំងឡាយណា ដែលព្យាយាមធ្វើឲ្យអន្តាយដល់សន្តិសុខតាមប្រព័ន្ធអ៊ីនធឺណិត រាប់បញ្ចូលទាំង ស្ថាប័នហិរញ្ញវត្ថុ និង ការដូររូបិយប័ណ្ណគ្រីបតូនៅជុំវិញពិភពលោក ដើម្បីផលប្រយោជន៍របស់រដ្ឋាភិបាលកូរ៉េខាងជើង ។
កម្មវិធី RFJ កំពុងស្វែងរកព័ត៌មានអំពីការផ្ទេរពីកប៉ាក់ទៅកប៉ាល់នូវធ្យូងថ្ម ដែលមានប្រភពចេញពីកូរ៉េខាងជើង ឬ ប្រេងឆៅ ឬ អនុផលពីប្រេង ដែលគេកំពុងដឹកជញ្ជូនទៅកូរ៉េខាងជើង ។
កម្មវិធី RFJ កំពុងស្វែងរកព័ត៌មានអំពីពលរដ្ឋកូរ៉េខាងជើង ដែលត្រូវបានគេបញ្ជូនទៅក្រៅប្រទេសដើម្បីទៅធ្វើការរកប្រាក់ឲ្យរដ្ឋាភិបាលកូរ៉េខាងជើង រាប់បញ្ចូលទាំង ព័ត៌មានអំពីក្រុមហ៊ុន និង បុគ្គលទាំងឡាយណា ដែលផ្តល់ការងារឲ្យពួកគេ ឬបើមិនដូច្នោះទេ សម្រួលសកម្មភាពរបស់ពួកគេនៅក្រៅប្រទេសកូរ៉េខាងជើង ។
កម្មវិធី RFJ កំពុងស្វែងរកព័ត៌មានអំពីការលាងលុយកក្វក់ដើម្បីទ្រទ្រង់ដល់រដ្ឋាភិបាលកូរ៉េខាងជើង ។ នេះអាចរាប់បញ្ចូលទាំងព័ត៌មានអំពីចលនារូបិយប័ណ្ណ រាប់ទាំងរូបិយប័ណ្ណនៅលើអ៊ីនធឺណិត ដែលមានពាក់ព័ន្ធនឹងពលរដ្ឋ ឬ ស្ថាប័នដែលមានទំនាក់ទំនងជាមួយកូរ៉េខាងជើង រាប់ទាំងបណ្តាគណនីធនាគារដែលមានទីតាំងនៅបរទេស ដែលប្រើប្រាស់ដោយកូរ៉េខាងជើង ឬ ដើម្បីផលប្រយោជន៍របស់កូរ៉េខាងជើង ព្រមទាំងបណ្តាក្រុមហ៊ុនក្លែងក្លាយ ឬ បិទបាំង ដែលធ្វើប្រតិបត្តិការក្នុងនាមកូរ៉េខាងជើង ហើយមានលទ្ធភាពប្រើប្រាស់ប្រព័ន្ធហិរញ្ញវត្ថុអន្តរជាតិ ។
កម្មវិធី RFJ កំពុងស្វែងរកព័ត៌មានអំពីការជួញដូរគ្រឿងញៀន, ការក្លែងបន្លំទំនិញ ឬ រូបិយប័ណ្ណ និង ការរត់ពន្ធប្រាក់ក្នុងចំនួនដ៏ច្រើន ដែលគាំទ្រដល់រដ្ឋាភិបាលកូរ៉េខាងជើង ។
កម្មវិធី RFJ កំពុងស្វែងរកព័ត៌មានអំពីការដឹកជញ្ជូន ឬផ្ទេរទំនិញប្រណីតៗទៅកាន់សាធារណរដ្ឋប្រជាធិបតេយ្យប្រជាមានិតកូរ៉េ (DPRK) ដែលអាចរាប់បញ្ចូល ឡានប្រណីតៗ, សំលៀកបំពាក់ដោយអ្នកច្នៃម៉ូដល្បីៗ, គ្រឿងអលង្កា, ថ្នាំជក់, ទឹកអប់ ឬ ប្រភេទទំនិញស្រដៀងគ្នាផ្សេងទៀតដែលទំនងជាបញ្ជូនទៅឲ្យក្រុមវរជននៃរបបនេះ ។
កម្មវិធី RFJ កំពុងស្វែងរកព័ត៌មានអំពីការរំលោភបំពានលើសិទ្ធិមនុស្សធ្ងន់ធ្ងរដោយរដ្ឋាភិបាលកូរ៉េខាងជើង ។
02
ក្រសួងទទួលបានការអនុញ្ញាតពិសេសក្នុងការផ្តល់ប្រាក់រង្វាន់រហូតដល់ទៅ ៥ លានដុល្លារ សម្រាប់ព័ត៌មានទាំងឡាយណាដែលឈានទៅដល់ការបន្ទុចបង្អាក់យន្តការហិរញ្ញវត្ថុរបស់បុគ្គល ឬ ស្ថាប័នណាដែលបានជាប់ពាក់ព័ន្ធក្នុងការប្រព្រឹត្ត ដែលបានចែងក្នុងមាត្រា ១០៤(ក) និង ១០៤(ខ)(១) នៃច្បាប់ស្តីពីទណ្ឌកម្មលើកូរ៉េខាងជើង និងការលើកកម្ពស់គោលនយោបាយ ឆ្នាំ ២០១៦ (NKSPEA) ។ មាត្រា ១០៤(ក) នៃច្បាប់ NKSPEA ចែងអំពីការប្រព្រឹត្តដោយបុគ្គល ឬ ស្ថានប័នមួយ ដែល៖
ដោយដឹងជាមុន ទោះដោយផ្ទាល់ ឬ ដោយប្រយោល នាំចូល, នាំចេញ ឬ នាំចេញឡើងវិញទៅកាន់, ចូលក្នុង ឬចេញពីកូរ៉េខាងជើងនូវទំនិញ, សេវា ឬ បច្ចេកវិទ្យា ដែលត្រួតពិនិត្យសម្រាប់ការនាំចេញដោយសហរដ្ឋអាមេរិក ដោយសារតែការប្រើប្រាស់ទំនិញ, សេវា ឬបច្ចេកវិទ្យាទាំងនោះសម្រាប់អាវុធប្រល័យលោក ឬ ប្រព័ន្ធបញ្ជូនសម្រាប់សព្វាវុធបែបនោះ ហើយចូលរួមចំណែកខាងសម្ភារចំពោះការប្រើប្រាស់, ការអភិវឌ្ឍ, ការផលិត, កម្មសិទ្ធិ ឬ ការទិញយក ដោយបុគ្គលណាម្នាក់នូវអាវុធនុយគ្លេអ៊ែរ, វិទ្យុសកម្ម, គីមី ឬ ជីវសាស្រ្ត ឬឧបករណ៍ឬប្រព័ន្ធណាមួយ ដែលរចនាឡើងទាំងមូល ឬ ដោយផ្នែក ដើម្បីបញ្ជូនសព្វាវុធបែបនោះ ។
ដោយដឹងជាមុន ទោះដោយផ្ទាល់ ឬ ដោយប្រយោល ផ្តល់ការបណ្តុះបណ្តាល, ដំបូន្មាន ឬ សេវាឬជំនួយដទៃទៀត ឬ ចូលរួមនៅក្នុងប្រតិបត្តិការហិរញ្ញវត្ថុសំខាន់ៗ ដែលទាក់ទងនឹងការផលិត, ការថែទាំ ឬ ការប្រើប្រាស់សព្វាវុធ, ឧបករណ៍ ឬប្រព័ន្ធបែបនោះណាមួយ ដែលត្រូវនាំចូល, នាំចេញ, ឬ នាំចេញឡើងវិញទៅកាន់, ចូលក្នុង ឬចេញពីកូរ៉េខាងជើង ។
ដោយដឹងជាមុន ទោះដោយផ្ទាល់ ឬ ដោយប្រយោល នាំចូល, នាំចេញ ឬ នាំចេញឡើងវិញនូវទំនិញប្រណីតទៅកាន់ ឬ ចូលក្នុងកូរ៉េខាងជើង ។
ដោយដឹងជាមុន ចូលរួមក្នុង, ទទួលខុសត្រូវចំពោះ ឬ សម្របសម្រួលការត្រួតពិនិត្យការផ្សព្វផ្សាយឬការបោះពុម្ព ដោយរដ្ឋាភិបាលកូរ៉េខាងជើង ។
ដោយដឹងជាមុន ចូលរួមក្នុង, ទទួលខុសត្រូវចំពោះ ឬ សម្របសម្រួលការរំលោភបំពានសិទ្ធិមនុស្សធ្ងន់ធ្ងរ ដោយរដ្ឋាភិបាលកូរ៉េខាងជើង ។
ដោយដឹងជាមុន ទោះដោយផ្ទាល់ ឬ ដោយប្រយោល ចូលរួមក្នុងការលាងលុយកក្វក់, ការក្លែងបន្លំទំនិញឬរូបិយប័ណ្ណ, ការរត់ពន្ធប្រាក់ក្នុងចំនួនដ៏ច្រើន ឬ ការជួញដូរគ្រឿងញៀន ដែលគាំទ្រដល់រដ្ឋាភិបាលកូរ៉េខាងជើង ឬ មន្រ្តីជាន់ខ្ពស់ឬបុគ្គលណាម្នាក់ ដែលធ្វើសកម្មភាពដើម្បី ឬក្នុងនាមរដ្ឋាភិបាលនោះ ។
ដោយដឹងជាមុន ចូលរួមក្នុងសកម្មភាពសំខាន់ៗ ដែលធ្វើឲ្យអន្តរាយដល់សន្តិសុខតាមប្រព័ន្ធអ៊ីនធឺណិត តាមរយៈការប្រើប្រាស់បណ្តាញ ឬ ប្រព័ន្ធកុំព្យូទ័រប្រឆាំងនឹងជនបរទេស, រដ្ឋាភិបាលនានា ឬ ស្ថាប័នដទៃទៀតក្នុងនាមរដ្ឋាភិបាលកូរ៉េខាងជើង ។
ដោយដឹងជាមុន ទោះដោយផ្ទាល់ ឬ ដោយប្រយោល លក់, ផ្គត់ផ្គង់ ឬ ផ្ទេរទៅកាន់ ឬ មកពីរដ្ឋាភិបាលកូរ៉េខាងជើង ឬ បុគ្គលណាដែលធ្វើសកម្មភាពដើម្បី ឬក្នុងនាមរដ្ឋាភិបាលនោះនូវបរិមាណដ៏ច្រើននៃលោហធាតុមានតម្លៃ, ធ្យូងថ្មផុយ, លោហធាតុ ឬ អាលុយមីញ៉ូមមិនទាន់កែច្នៃ ឬពាក់កណ្តាលសម្រេច, ដែកថែប, ធ្យូងថ្ម ឬ សុសវែរសម្រាប់ការប្រើប្រាស់ដោយ ឬ ក្នុងដំណើរការឧស្សហកម្ម ដែលជាប់ពាក់ព័ន្ធដោយផ្ទាល់នឹងអាវុធប្រល័យលោក និងប្រព័ន្ធបញ្ជូនសម្រាប់សព្វាវុធបែបទាំងនោះ, សកម្មភាពកើនឡើងយ៉ាងឆាប់រហ័សផ្សេងទៀត, គណបក្សពលករកូរ៉េ, កងកម្លាំងប្រដាប់អាវុធ, សន្តិសុខផ្ទៃក្នុង ឬសកម្មភាពស៊ើបយកការណ៍ ឬ ប្រតិបត្តិការនិងការថែរក្សាជំរំអ្នកទោសនយោបាយ ឬ ជំរំពលករដែលគេបង្ខិតបង្ខំឲ្យធ្វើការ រាប់ទាំងនៅក្រៅកូរ៉េខាងជើងផង ។
ដោយដឹងជាមុន ទោះដោយផ្ទាល់ ឬ ដោយប្រយោល នាំចូល, នាំចេញ, ឬ នាំចេញឡើងវិញទៅកាន់, ចូលក្នុង ឬចេញពីកូរ៉េខាងជើងនូវអាវុធ ឬ សម្ភារយោធាដែលពាក់ព័ន្ធ ឬ ទំនិញឬសេវាសម្រាប់ការការពារ (ដោយសារពាក្យទាំងនេះត្រូវបានកំណត់ក្នុងប្រការ ២២ U.S.C. § ២៧៩៤) ។
ដោយដឹងជាមុន ទោះដោយផ្ទាល់ ឬ ដោយប្រយោល ទិញ ឬ ទទួលបានពីកូរ៉េខាងជើងនូវបរិមាណដ៏ច្រើននៃមាស, រ៉ែទីតាញ៉ូម, រ៉ែវ៉ាណាដ្យូម, ទង់ដែង, ប្រាក់, នីកែល, ស័ង្កសី ឬរ៉ែដីកម្រៗ ។
ដោយដឹងជាមុន ទោះដោយផ្ទាល់ ឬ ដោយប្រយោល លក់ ឬ ផ្ទេរទៅកូរ៉េខាងជើងនូវបរិមាណដ៏ច្រើននៃឥន្ទនៈសម្រាប់រ៉ុកកែត, អាកាសចរណ៍, ឬយន្តហោះប្រតិកម្ម (លើកលែងការប្រើប្រាស់សម្រាប់យន្តហោះដឹកអ្នកដំណើរស៊ីវិល នៅក្រៅប្រទេសកូរ៉េខាងជើង ជាពិសេសសម្រាប់ការប្រើប្រាស់ក្នុងពេលហោះហើរទៅកូរ៉េខាងជើង ឬ ជើងហោះហើរត្រឡប់មកវិញ) ។
ដោយដឹងជាមុន ទោះដោយផ្ទាល់ ឬ ដោយប្រយោល ផ្តល់ឥន្ធនៈ ឬ សម្ភារផ្គត់ផ្គង់ក្នុងបរិមាណដ៏ច្រើន, ផ្តល់សេវាចាក់ប្រេង ឬសម្របសម្រួលឲ្យមានប្រតិបត្តិការសំខាន់មួយ ឬច្រើន ដើម្បីដំណើរការ ឬ រក្សានាវា ឬ យន្តហោះ ដែលត្រូវបានកំណត់នៅក្រោមបទបញ្ជាដាច់ណាត់ ឬ សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលនៅជាធរមាន ឬ ដែលជាកម្មសិទ្ធិ ឬ គ្រប់គ្រងដោយបុគ្គលម្នាក់ ដែលត្រូវបានកំណត់នៅក្រោមបទបញ្ជាដាច់ណាត់ ឬ សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលនៅជាធរមាន ។
ដោយដឹងជាមុន ទោះដោយផ្ទាល់ ឬ ដោយប្រយោល ធានា, ចុះបញ្ជី, សម្របសម្រួលការចុះបញ្ជិកា, ឬ រក្សាការធានា ឬ បញ្ជិកាសម្រាប់នាវា ដែលជាកម្មសិទ្ធិ ឬ គ្រប់គ្រងដោយរដ្ឋាភិបាលកូរ៉េខាងជើង លើកលែងមានការអនុម័តជាពិសេសដោយក្រុមប្រឹក្សាសន្តិសុខអង្គការសហប្រជាជាតិ ។
ដោយដឹងជាមុន ទោះដោយផ្ទាល់ ឬ ដោយប្រយោល រក្សាគណនីធនាគារឆ្លើយឆ្លង (ដូចបានចែងក្នុងប្រការ ២២ U.S.C. § ៩២២១ ក(ឃ)(១) ជាមួយស្ថាប័នហិរញ្ញវត្ថុណាមួយរបស់កូរ៉េខាងជើង លើកលែងមានការអនុម័តជាពិសេសដោយក្រុមប្រឹក្សាសន្តិសុខអង្គការសហប្រជាជាតិ ឬ
ដោយដឹងជាមុន ប៉ុនប៉ងចូលរួមក្នុងការប្រព្រឹត្តណាមួយ ដែលមានចែងក្នុងកថាខ័ណ្ឌ (១) ដល់ (១៤) ។
03
ក្រសួងក៏ទទួលបានការអនុញ្ញាតឲ្យផ្តល់ប្រាក់រង្វាន់រហូតដល់ទៅ ៥ លានដុល្លារ សម្រាប់ព័ត៌មានទាំងឡាយណាដែលឈានទៅដល់ការកំណត់អត្តសញ្ញាណបុគ្គលណាម្នាក់ ដែលជួយ ឬញុះញង់ឲ្យមានការរំលោភបំពានលើ ច្បាប់ស្តីពីការក្លែងបន្លំ និង ការរំលោភបំពានតាមកុំព្យូទ័រ (“CFAA”), ១៨ U.S.C. § ១០៣០ តាមការណែនាំ ឬ ក្រោមការគ្រប់គ្រងរបស់រដ្ឋាភិបាលកូរ៉េខាងជើង ។ ច្បាប់ស្តីពីការក្លែងបន្លំ និង ការរំលោភបំពានតាមកុំព្យូទ័រ កំពុងស្វែងរកព័ត៌មានអំពីសកម្មភាពបែបទាំងនោះ ដែលរំលោភច្បាប់ CFAA ដែលចាប់អារម្មណ៍ជាពិសេស ប៉ុន្តែមិនទាំងស្រុង ទៅលើសកម្មភាពទាំងនោះដែលជាប់ពាក់ព័ន្ធនឹង៖
ការចូលលុកលុយដោយគ្មានការអនុញ្ញាតទៅក្នុងកុំព្យូទ័រ និង បណ្តាញរបស់វិស័យសាធារណៈ និងឯកជន ដោយមានចេតនាលួចយកព័ត៌មាន ។
ការផ្ញើម៉លវែរ (malware) មកបំផ្លាញ ។
ការផ្សព្វផ្សាយ និង ការប្រើប្រាស់រែនសាំវែរ (ransomware) ។
ការផ្ញើសារគំរាមដើម្បីបង្កការខូចខាតដល់, ទទួលព័ត៌មានពី ឬ ការស្នើសុំអ្វីមួយដែលមានតម្លៃទាក់ទងនឹងកុំព្យូទ័រមួយគ្រឿង ដោយមានចេតនាគំរាមបុគ្គល ឬ ស្ថាប័នមួយដើម្បីយកប្រាក់ ឬអ្វីមួយដែលមានតម្លៃ ដូចបានហាមឃាត់ក្នុងប្រការ ១៨ U.S.C. §§ ១០៣០(ក)(២), (ក)(៣), (ក)(៥) និង (ក)(៧) ។
04
ដើម្បីគាំទ្រកិច្ចខិតខំប្រឹងប្រែងអន្តរជាតិក្នុងការបង្អាក់សកម្មភាពខុសច្បាប់របស់កូរ៉េខាងជើង កម្មវិធីប្រាក់រង្វាន់ដើម្បីយុត្តិធម៌ (RFJ) របស់ក្រសួងការបរទេស ផ្តល់ជូនប្រាក់រង្វាន់រហូតដល់ទៅ ៥ លានដុល្លារ សម្រាប់ព័ត៌មានទាំងឡាយណា ដែលឈានទៅដល់ការបន្ទុចបង្អាក់យន្តការហិរញ្ញវត្ថុរបស់បុគ្គលណាដែលជាប់ពាក់ព័ន្ធនឹងសកម្មភាពមួយចំនួនដែលគាំទ្រដល់ប្រទេសកូរ៉េខាងជើង មានដូចជា ការលាងលុយកក្វក់, ការនាំចេញទំនិញប្រណីតទៅប្រទេសកូរ៉េខាងជើង, សកម្មភាពតាមអ៊ីនធឺណិតដែលបានបញ្ជាក់ និង សកម្មភាពទាំងឡាយណាដែលគាំទ្រដល់ការកើនឡើងយ៉ាងឆាប់រហ័សនៃអាវុធប្រល័យលោក (WMD) ។
អ្នកអាចជ្រើសរើសពីថ្នាលជាច្រើន ហើយទាក់ទងមកយើងបានជាច្រើនភាសា ។ ដើម្បីដំណើរការព័ត៌មានរបស់អ្នកឲ្យមានប្រសិទ្ធភាព យើងស្នើសុំឲ្យអ្នកបញ្ជាក់ព័ត៌មានរបស់អ្នកឲ្យខ្លីហើយច្បាស់តាមដែលអាចធ្វើទៅបាន ផ្តល់ឈ្មោះរបស់អ្នក ទីតាំង និង ភាសាដែលចង់បាន និង អាប់ឡូដឯកសារពាក់ព័ន្ធទាំងអស់ ដូចជា រូបថត វីដេអូ និង ឯកសារផ្សេងៗដើម្បីគាំទ្រព័ត៌មានរបស់អ្នក ។ អ្នកតំណាងម្នាក់របស់ RFJ នឹងទាក់ទងមកអ្នកឆាប់ៗ ។ សូមមេត្តាអត់ធ្មត់ ខណៈ RFJ អានគ្រប់តម្រុយដែលយើងទទួលបាន ។
សូមបើកកម្មវិធី Signal របស់អ្នកដើម្បីផ្តល់តម្រុយ លេខគឺ +1 202 702 7843
សូមបើកកម្មវិធី Telegram របស់អ្នកដើម្បីផ្តល់តម្រុយ លេខគឺ +1 202 702 7843
សូមចូលទៅមើល កាណាល់រាយការណ៍ពីតម្រុយ ដោយផ្អែកលើ Tor របស់យើងនៅលើ៖ he5dybnt7sr6cm32xt77pazmtm65flqy6irivtflruqfc5ep7eiodiad.onion
