Talal Hamiyah
Malapit na Silangan – Hilagang Aprika at Gitnang Silangan
Ang Rewards for Justice ay naghahandog ng gantimpalang hanggang $7 milyon para sa impormasyon tungkol kay Talal Hamiyah na kilala rin bilang si Ismat Mezarani. Si Hamiyah ang puno ng External Security Organization (ESO) ng Hizballah, na nagpapanatili ng mga organisadong selula sa buong mundo. Ang ESO ay ang elemento ng Hizballah na responsable sa pagpaplano, pag-uugnay, at pagpapatupad ng mga teroristang pag-atake sa labas ng Lebanon. Ang mga pag-atake ay pangunahing pinuntirya ang mga Israel at Amerikano.
Noong Setyembre 13, 2012, itinalaga ng U.S. Department of Treasury ang Hamiyah bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito, para sa pagbibigay ng suporta sa mga teroristang aktibidad ng Hizballah sa Gitnang Silangan at sa buong mundo. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Hamiyah na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Hamiyah. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa Hizballah, isang itinalaga ng Estados Unidos na Foreign Terrorist Organization (Banyagang Teroristang Organisasyon).
