Mahad Karate
Aprika – Sub-Sahara
Ang Rewards for Justice ay naghahandog ng gantimpalang hanggang $10 milyon para sa impormasyon tungkol kay Mahad Karate na kilala rin bilang si Abdirahman Mohamed Warsame. Si Karate ay nagsisilbing aninong deputadong lider ng al-Shabaab. Si Karate ay may ilang responsibilidad ng komandante sa Amniyat, ang sangay na intelihensya at seguridad ng al-Shabaab, pati na rin ang pananalapi ng grupo.
Ang Amniyat ay may pangunahing papel na ginagampanan sa paglulunsad ng mga pagpapatiwakal na pag-atake at pagpatay sa Somalia, Kenya at iba pang bansa sa rehiyon, at nagbibigay ng lohistikal na suporta para sa mga teroristang aktibidad ng al-Shabaab. Si Amniyat ang responsable sa pag-atake noong Abril 2015 sa Garissa University College sa Kenya na pumatay sa halos 150 katao, na karamihan sa mga ito ay mga estudyante.
Noong Abril 10, 2015, itinalaga ng U.S. Department of State si Karate bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Karate na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Karate. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa Al-Shabaab, isang itinalaga ng Estados Unidos na Foreign Terrorist Organization (Banyagang Teroristang Organisasyon).
