Ahmed Iman Ali
Aprika – Sub-Sahara
Ang Rewards for Justice ay naghahandog ng gantimpalang hanggang $3 milyon para sa impormasyon tungkol kay Ahmed Iman Ali. Si Ali ang prominenteng komandante ng al-Shabaabm isang itinalaga ng Estados Unidos na Foreign Terrorist Organization (FTO, Banyagang Teroristang Organisasyon), na nagsilbi bilang lider ng grupo sa Kenya mula pa noong 2012. Dinirekta niya ang mga operasyon ng grupong laban sa Kenya na pinuntirya ang mga sundalo ng Kenyan African Union Mission in Somalia (AMISOM) sa Somalia. Isang naturang pag-atake noong Enero 2016 sa El Adde, Somalia, ay nilibot ang buong garison mula sa base militar kung saan mahigit 140 sundalo ng AMISON ng Kenya ang namatay.
Responsable rin si Ali sa propaganda ng al-Shabaab na pinuntirya ang pamahalaan at mga sibilyan ng Kenya, gaya ng video noong Hulyo 2017 kung saan binantaan niya ang mga Muslim na naglilingkod sa mga puwersa ng seguridad ng Kenya. Si Ali ay nagsilbi rin bilang isang rekruter para sa al-Shabaab, na nakapokus sa mahihirap na kabataan sa Nairobi, at nakalikom ng mga pondo sa mga moske upang suportahan ang mga aktibidad ng al-Shabaab.
Noong Marso 8, 2018, itinalaga ng U.S. Department of State si Ali bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito. Bilang resulta ng pagkakatalagang ito, bukod sa iba pang mga konsekwensya, ang lahat ng ari-arian, at mga interes sa ari-arian, ni Ali na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay kay Ali. Bukod dito, isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa FTO na al-Shabaab.
