Pagdukot kay Kevin Scott Sutay
Kanlurang Emisperyo
Ang Rewards for Justice ay naghahandog ng gantimpalang hanggang $3 milyon para sa impormasyon tungkol sa pagdukot kay Kevin Scott Sutay. Noong Hunyo 2013, dinukot ng Revolutionary Armed Forces of Colombia (FARC) si Sutay, isang dating militar ng Estados Unidos, malapit sa munisipalidad ng El Retorno, Colombia. Si Sutay ay naglalakbay bilang isang turista sa ilang bansa sa Gitna at Timog Amerika.
Noong Hulyo 19, 2013, naglabas ang FARC ng pahayag na inaamin ang responsibilidad sa pagdukot na iyon at inanunsyo ang layon nitong palayain si Sutay bilang isang pagkilos nang may mabuting layunin. Ngunit, hindi pinalaya si Sutay hanggang Oktubre 27, 2013, noong siya ay isinauli sa isang delegasyon ng mga pamahalaan ng Colombia, Cuba, at Norway, at mga miyembro ng Internasyonal na Komite ng Red Cross. Kalaunan ay inilabas si Sutay sa mga opisyal ng pamahalaan ng Estados Unidos sa Bogota, Colombia at ibinalik sa Estados Unidos.
