Husayn Muhammed al-Umari
Malapit na Silangan – Hilagang Aprika at Gitnang Silangan
Ang Rewards for Justice ay naghahandog ng gantimpalang hanggang $5 milyon para sa impormasyon tungkol kay Husayn Muhammed al-Umari na kilala rin bilang si Hussein Mohammed al-Umari at Abu Ibrahim. Si Al Umari ay ipinaghahanap para sa kanyang papel sa pagbomba sa Pan Am Flight 830 noong 1982. Si al-Umari ay isang dalubhasang tagagawa ng bomba at isang beses na naging lider ng teroristang grupong 15 May Organization.
Noong Agosto 11, 1982, isang bombang pinaniniwalaang idinisenyo at binuo ni al-Umari ang sumabog sa Pan Am Flight 830 na may sakay na 267 pasahero at tauhan habang lumilipad ito mula Tokyo, Japan, patungong Honolulu, Hawaii. Ang pagsabog ay pumatay sa 16-na-taong pasahero at sinugatan ang 16 na iba pa. Si al-Umari ay isinakdal sa Estados Unidos kasama ang dalawang iba pa kaugnay ng pagbomba. Isinakdal din ng pamahalaan ng France si al-Umari para sa mga pagbomba sa department store ng Marks & Spencer at Leumi Bank noong 1985.
Si al-Umari ay may hawak na pasaporte ng Lebanon at maaaring naninirahan sa Iraq o Lebanon. Siya ay nasa Listahan ng mga Teroristang Mahigpit na Pinaghahanap ng FBI. Ang U.S. Department of Defense ay naghahandog din ng hanggang $200,000 para sa impormasyong mauuwi sa kanyang pagkakahuli.
