Ansar al-Dine (AAD)
Aprika – Sub-Sahara
Ang Ansar al-Dine (AAD) ay nilikha noong huling bahagi ng 2011. Pagkatapos ng kudeta noong Marso 2012 na nagpabagsak sa pamahalaan ng Mali, ang AAD ay isa sa mga organisasyong sumakop sa hilagang Mali, sumira sa mga Lugar ng Pamana ng Daigdig ng UNESCO, at nagpatupad ng malubhang interpretasyon ng batas na sharia sa mga lugar na nasa ilalim ng kontrol nito. Noong 2017, sumali ang AAD sa Jama’at Nasr al-Islam wal Muslimin (JNIM), isang koalisyon ng mga grupong nakahanay sa al-Qa’ida na pinamumunuan ng lider ng AAD na si ag-Ghali.
Noong Marso 22, 2013, itinalaga ng U.S. Department of State ang AAD bilang isang Foreign Terrorist Organization (Banyagang Teroristang Organisasyon) sa ilalim ng seksyon 219 ng Immigration and Nationality Act, ayon sa pagkakaamyenda nito. Noong nakaraan, noong Marso 21, 2013, itinalaga ng Department of State ang AAD bilang isang Specially Designated Global Terrorist (Espesyal na Itinalagang Pandaigdigang Terorista) alinsunod sa Executive Order 13224, ayon sa pagkakaamyenda nito. Bilang resulta, ang lahat ng ari-arian, at mga interes sa ari-arian ng AAD na sumasailalim sa hurisdiksyon ng Estados Unidos ay hinarang, at ang mga mamamayan ng Estados Unidos sa pangkalahatan ay pinagbabawalang makibahagi sa anumang mga transaksyong nauugnay sa AAD. Isang krimen ang sadyang pagbibigay, o pagtatangka o pakikipagsabwatan upang magbigay, ng materyal na suporta o mga mapagkukunan sa AAD.
