Ibrahim Aqil
Bariga dhow - Waqooyiga Afrika iyo Bariga Dhexe
Kuhusu
Barnaamijka Abaalmarinnada Caddaaladda (Rewards for Justice) ayaa bixinaysa abaal-marin gaaraysa 7 milyan oo doolar abaal-marintaas oo ay ku bixinayso qofkii keena xog ama macluumaad ku saabsan hoggaanka ugu muhiimsan ee Xisballaah ee Ibrahim Caqiil.
Ibraahim Caaqil, oo sidoo kale loo yaqaan Tahsin, wuxuu u adeeggaa ururka ugu sarreeya ee Xisbullah, Golaha Jihaadka.
Intii lagu jiray 1980-meeyadii, Caaqil waxa uu ahaa xubin sare oo ka tirsan Ururka Jihaad-Islaamka-Ururka Argagixiso ee Xisbullah-kaas oo sheegtay weerarradii safaaradda Maraykanka ee Beirut bishii Abriil ee sanadkii 1983, kaas oo ay ku dhinteen 63 qof, iyo xeradii ciidamada badda ee Maraykanka bishii Oktoobar ee sanadkii 1983, kaas oo dilay 241 oo ahaa shaqaalaha Maraykan ah.
Sanadkii 1980-meeyadii, Caaqil waxa uu amray in la haystayaal u kala dhashay dadlka Maraykan iyo Jarmalka lagu hayo Lubnaan.
21 bishii Luulyo, ee sanadkii 2015, Waaxda Maaliyadda ee Mareykanka ayaa u magacawday Caaqil sida uu dhigayo Amarka Fulinta ee 13582 si uu ugu shaqeeyo ama u matalayo Xisbullah. Ka dibna, 10ka bishii Sebtember, 2019, Waaxda Arrimaha Dibedda ee Maraykanku waxay u magacawday Caaqil inuu yahay Argagixiso caalami ah oo si gaar ah loo qoondeeyey iyadoo la raacayo Amarka Fulinta 13224, sida wax laga beddelay.
