Dilkii John Granville iyo Cabdelraxman Cabbas Raxama
Afrika – Saxaraha ka Hooseeya
Kuhusu
Barnaamijka Abaalmarinta Caddaalaadda ayaa bixinaysa abaalmarin gaaraysa illaa $5 milyan oo doollar ku bixinaysa ciddii keenta xog ku saabsan dilalkii loo geystay shaqaalaha Hay’adda Horumarinta Caalamiga ah ee Maraykanka (USAID) John Granville iyo Cabdelraxman Cabbas Raxama. Taariikhdu markay ahayd 1da bisha Janaayo, 2008, Granville iyo Raxama waxa ay ku sii socdeen gurigoodii ka dib xafladii sanadka cusub ee Khartoum markii la toogtay oo la dilay. Laba kooxood ayaa si gooni-gooni ah u sheegatay mas’uuliyadda dilka: Al-Qaacidada Dhulka Labada Niil (AQTN) hadda ka jirta iyo Ansaar al-Tawxiid (Taageerayaasha Towxiidka).
Shan nin ayaa maxkamad lagu soo taagay oona lagu xukumay nidaamka sharciga ee Suudaan oo lagu eedeeyay inay ku lug lahaayeen dilalka. Cabdelraouf Abu Saayd Maxamed Xamza, Maxamed Makawi Ibrahim Maxamed, Cabdelbasit Alxaj Alxassan Xaj Xamad, iyo Maxanad Cusman Yousif Maxamed ayaa lagu xukumay dil toogasho ah, balse waxay ka baxsadeen xabsiga Khober ee magaalada Khartoum hal sano kadib markii lagu xukumay. Maxanad ayaa la sheegay in uu ku dhintay dalka Soomaaliya bishii Maajo ee sannadkii 2011-kii. Cabdelraouf waxaa dib u qabsaday mas’uuliyiinta dowladda Suudaan. Makawi iyo Cabdelbasit ayaa weli baxsad ah. [hyperlink abaalmarinno loo bixinayo soo qabashada Makawi iyo Cabdelbasit] John Granville, oo 33 jir ah, horeyna u ahaa Iskaa wax u qabso u Shaqeeya Peace Corps iyo cilmi baare ka ahaa Cameroon, waxa uu u shaqaynayey USAID koonfurta Suudaan in ka badan saddex sano. Shaqadiisu waxay ku qotonayd barnaamijyada dimoqraadiyada iyo maamulka, kaas oo uu u qaybiyay in ka badan 50,000 oo ah idaacadaha dabaysha, qoraxda si ay uga caawiyaan muwaadiniinta gobolka in ay u helaan xuquuqdooda iyo u diyaargarowga doorashooyinka. Cabdelraxman Cabbas Raxama, oo 39 jir ah, waxa uu la shaqaynayey USAID illaa 2004-tii isagoo ka mid ahaa xubnihii asalka ahaa ee kooxda ka jawaabista musiibooyinka ee USAID ee Darfur, Suudaan. Ka dibna wuxuu darawal u noqday hawl-galka USAID/Suudaan ee Khartoum.
