Kooxda Shaqaalaha ee Kurdistaan (PKK) [Kurdistan Workers Party (PKK)]
Bariga dhow - Waqooyiga Afrika iyo Bariga Dhexe | Yurub iyo Eurasia
Kuhusu
Xisbiga Shaqaalaha ee Kurdistan (PKK) oo ah koox gooni u goosad ah oo Kurdish ah oo inta badan ka hawlgasha waqooyiga Ciraaq iyo Koonfur-bari ee Turkiga. Kooxdan, oo guud ahaan ka kooban Kurdiyiinta Turkiga, ayaa olole rabshado ah bilaabay sannadkii 1984kii. PKK hadafkeedii horey wuxuu ahaa in la dhiso dowlad madax banaan oo Kurdish ah oo laga sameeyo koonfur bari Turkiga. Horraantii 1990-meeyadii, PKK waxay ka gudubtay dhaqdhaqaaqyada fallaagada duurka ku salaysan si ay u gasho argaggixisanimada magaalooyinka.
PKK waxay ku dhaaratay rabshado laga soo bilaabo 1999 illaa Juun 2004, markii garabkeeda xagjirka ah uu la wareegay gacan ku haynta oo ay ka tanaasuleen xabbad-joojin ay iskood isu soo rogeen. Sannadkii 2009, dawladda Turkiga iyo PKK waxay dib u bilaabeen wada-xaajood nabadeed. Si kastaba ha noqotee, wadahadalada ayaa burburay kadib markii PKK ay fulisay weerar dhacay bishii Luulyo 2011 weerarkaas oo ku dhinteen 13 askari oo Turki ah. PKK iyo ciidamada Turkiga ayaa isku dhacyo soo noqnoqday dhexmaray sanadihii 2011 iyo 2012, oo uu ku jiro weerar dhacay bishii Oktoobar 2011 weerakaas oo lagu dilay 24 askari oo Turki ah, waana dhacdadii ugu dhimashada badneyd tan iyo 1993-kii. Sannadkii 2018-kii, weeraro badan oo PKK ah ayaa lagu soo warramey in lala beegsaday ciidamada ammaanka ee Turkiga, oo uu ku jiro weerar ay PKK sheegatay bishii Nofeember iyadoo lala beegsaday saldhig ay ciidamada Turkiga ku leeyihiin halkaas oo uu ka dhashay khasaare dhimasho iyo dhaawacba leh.
Taariikdu markay ahayd 8da bisha Oktoobar, 1997, Wasaarada Arimaha Dibadda ee Mareykanka ayaa PKK u magacaabay inay yihiin Urur Argaggixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, sida wax laga beddelay. Mar dambe, taariikhdu markay ahayd 31kii bishii Okotoobar, 2001, Waaxda Arrimaha Dibadda ee Maraykanka ayaa PKK waxay u magawday inay yihiin Argaggixiso Caalami oo si Gaar ah u Magacaaban markii loo hiigsaday Amarrada Dowliga ee 13224, sida la baddalay. Tan awgeed, dhammaan hantida, iyo danaha hanti, ee PKK, hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay PKK la sameeyaan. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo PKK.
