Ibrahim al-Banna
Bariga dhow - Waqooyiga Afrika iyo Bariga Dhexe
Kuhusu
Barnaamijka Abaalmarinta Caddaalaadda ayaa bixinaysa abaalmarin gaaraysa illaa $5 milyan ciddii keenta xog ku saabsan Ibrahim al-Banna oo sidoo kale loo yaqaano Abu Ayman al-Masri. Al-Banna waa hogaamiye sare oo ka tirsan ururka al-Qaacidada Jaziirada Carabta (AQAP), oo ah Ururka Argaggixisada Shisheeye (FTO) ee uu Maraykanku u aqoonsaday. Waxa uu ahaa xubin ka mid ah xubinta aasaastay ururka AQAP, waxa uu soo noqday madaxa amniga ee kooxda, waxa uu hagis ciidan iyo mid amniba u soo jeediyay hogaanka AQAP. Al-Banna waa xubnihii ugu dambeeyay ee aasaasayaasha AQAP.
Maqaal 2010 ah oo loogu talagalay majaladda internetka ee AQAP’s ee af Ingiriiska ku soobaxa, Inspire, al-Banna ayaa ku tilmaamay weeraradii argaggixisanimo ee dhacay taariikhdu markay ahayd 11ka bisha Seteember, 2001 ee Maraykanka inay ahaayeen kuwo wanaagsan oo ku hanjabay in la beegsan doono Maraykanka adduunka oo dhan si looga jawaabo ficillada Mareykanka ee dibadda. Kahor ka mid ahaanshihiisa ururka AQAP, al-Banna waxa uu ahaa hogaamiyihii Jihaadka Islaamiga ah ee Masar ee Yemen 1996 illaa 1998 ka dibna waxa uu masuul ka ahaa qaybaha tababarka iyo sirdoonka ee kooxda.
Taariikhdu markay ahayd 5ta bisha Juun, 2017, Waaxda Arrimaha Dibadda ee Maraykanka ayaa al-Banna waxay u magawday inuu yahay Argaggixiso Caalami oo si Gaar ah u Magacaaban markii loo hiigsaday Amarrada Dowliga ee 13224, sida la baddalay. U aqoonsigan, iyo cawaaqibyada kale darteed, dhammaan hantida, iyo danaha hanti, ee al-Banna hoos timaadaa xukunka Mareykanka waa la xannibay, guud ahaan shaqsiyaadka Mareykankana waxaa laga mamnuucay inay wax fulin heshiis-ganacsi ah ay al-Banna la sameeyaan. Taa waxaa raacsan, waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero maaddi ah loo gudbiyo FTO ga AQAP.
