al-Qaacidada Gacanta Carabta (AQAP)
Bariga dhow - Waqooyiga Afrika iyo Bariga Dhexe
Kuhusu
Al-Qaacidada Jasiiratul Carab (AQAP) waa koox xag jir ah oo fadhigeedu yahay dalka Yemen taas oo soo shaac-baxday bisha Janaayo 2009 ka dib markii ay midoobeen kooxda argaggixisada Yemen iyo Sacuudiga.
Hadafyada AQAP waxaa ka mid ah dhisida khilaafaad iyo in shareecada Islaamka laga hirgeliyo Jasiiradda Carabta iyo Bariga Dhexe oo idil. AQAP waxay bartilmaameedsatay danaha gaarka ah ee Maraykanka iyo reer Galbeedka ee ay ka leeyihiin Gacanta Carabta iyo aduunyada inteeda kale. Kooxda ayaa sheegatay mas’uuliyadda falal argagixisanimo oo badan, oo uu ku jiro bishii Janaayo 2015-kii weerar lagu qaaday xafiisyo uu ku lahaa wargeyska dacaayadaha jeesjeeska ah qora ee Charlie Hebdo ee magaalada Paris kaas oo ay ku dhinteen 12 qof.
Ururka Al-Qaacidada ee Gacanka Carbeed (AQAP) waa urur gacan saar la leh ururka argagixisada ah ee Al-Qaacida, wuxuuna si dhow ula shaqeeyaa hoggaanka caalamiga ah ee AQ si loo beegsado bulshada reer galbeedka iyo balaarinta iskaashiga ururada kale ee ay wada shaqeeyaan. Waxa ugu muhiimsan ee AQAP u hayso ururka waa doorkeeda sida isku xirka maaliyadeed iyo fududaynta ee u dhexeeya shabakadda balaaran ee AQ.
AQAP waxay 25kii bishii Diseembar ee 2009 ku kacday isku day ay ku doonaysay inay qarax ku burburiso diyaarad xamuul ah, qaraxaas oo uu soo xirtay argagixiye Cumar Faaruuq Cabdulmutallab. Kooxda ayaa sidoo kale ku soo dhex qarisay walxaha qarxa gudaha qalabka wax lagu daabaco ee kombuyuutarrada oo loo waday Mareykanka, kuwaas oo lagu soo dhex qariyay gudaha laba diyaaradood oo xamuul ah dabayaaqadii 2010. Bambaanooyinka ayaa la helay oo la kala furay Oktoobar 29, 2010 kii intii lagu jiray socdaal laba goobood oo kala duwan.
Taariikdu markay ahayd 19kii bishii Janaayo, 2010, Wasaarada Arimaha Dibadda ee Mareykanka ayaa AQAP u aqoonsatay inay yihiin Urur Argaggixiso Shisheeye sida ku xusan qodobka 219 ee Xeerka Laanta Socdaalka iyo Jinsiyadda, wax ka badalna lagu sameeyay, iyo sida Argaggixiso Caalamiga ah sida qaas ah looga asteeyay kaas oo uu dhigayo Amarrka Dowlada ee 13224, wax ka badalna lagu sameeyay. Tan awgeed, dhammaan hantida iyo danaha hantiyeed ee AQAP ee hoos timaadaa xukunka Mareykanka ayaa guud ahaan la xannibay, shaqsiyaadka Mareykankana waxaa laga mamnuucay inay wax calaaqaad ganacsi la yeeshaan AQAP. Waa dembi in si oggaal ah loo bixiyo, ama la isku dayo ama la maleego in la bixiyo, ilo ama taageero agab loo gudbiyo AQAP.
