ڪيون اسڪاٽ سوٽي جو اغوا

ريوارڊز فار جسٽس ڪيون اسڪاٽ سوٽي جي اغوا بابت معلومات جي فراهمي تي 3 ملين آمريڪي ڊالرن تائين انعام جي آڇ ڪري ٿو. جون 2013ع ۾ ريووليوشنري آرمڊ فورسز آف ڪولمبيا (ايف اي آر سي) آمريڪي فوج جي اڳوڻي ميمبر سوٽي کي ايل ريٽورنو ميونسپلٽي ڀرسان ڪولمبيا ۾ اغوا ڪري ورتو. سوٽي هڪ سياح طور سينٽرل ۽ ڏکڻ آمريڪا جي ڪيترن ئي ملڪن ۾ ٽريڪنگ ڪري رهيو هو.
19 جولاءِ 2013ع تي ايف اي آر سي هڪ بيان جاري ڪيو جنهن ۾ اغوا جي ذميواري قبول ڪئي وئي ۽ اعلان ڪيو ته اها خيرسگالي طور سوٽي کي آزاد ڪرڻ جو ارادو رکي ٿي. تنهن هوندي به سوٽي کي 27 آڪٽوبر 2013ع تي ڪولمبيا، ڪيوبا ۽ ناروي جي حڪومتن ۽ ريڊ ڪراس جي انٽرنيشنل ڪميٽي جي ميمبرن تي ٻڌل وفد جي حوالي ڪرڻ تائين آزاد نه ڪيو ويو. سوٽي کي بعد ۾ بگوٽا ڪولمبيا ۾ آزاد ڪري آمريڪي حڪومتي عملدارن جي حوالي ڪيو ويو ۽ واپس آمريڪا اچي ويو.