ورلڊ ٽريڊ سينٽرتي بم حملو

ريوارڊز فار جسٽس 1993ع ۾ نيويارڪ جي ورلڊ ٽريڊ سينٽر تي ٿيل بم حملي بابت معلومات جي فراهمي تي 5 ملين آمريڪي ڊالرن تائين انعام جي آڇ ڪري ٿو. 26 فيبروري 1993ع تي دهشتگردن 1500 پائونڊ وزني ٽرڪ بم سان ورلڊ ٽريڊ سينٽر هيٺان پارڪنگ گيراج ۾ ڌماڪو ڪري ڇڏيو. ڌماڪي جي نتيجي ۾ 6 ڄڻا مارجي ويا ۽ 100 کان وڌيڪ زخمي ٿي پيا جڏهن ته سوين ملين ڊالرن جو نقصان پڻ ٿيو.

القاعده (اي ڪيو) سان لاڳاپيل ماڻهن جي هڪ گروپ جن ۾ عبدالرحمان ياسين ۽ رمزي يوسف شامل آهن، حملي جي منصوبابندي ڪئي. خالد شيخ محمد جيڪو اي ڪيو جو اعليٰ سطحي ميمبر ۽ رمزي يوسف جو چاچو آهي، هن ڪارروائي لاءِ رقم فراهم ڪئي. حملو ڪندڙن کي اميد هئي ته بم ڌماڪي جي نتيجي ۾ هڪ ٽاور ڪري پوندو ۽ ان ڪرندڙ ٽاور جو ملبو ٻئي ٽاور کي به ڪيرائي ڇڏيندو. حملي جي سازش ڪندڙ 6 ڄڻن کي گرفتار ڪري مٿن ڪيس هلايو ويو ۽ کين عمر قيد جي سزا ڏني وئي. سازش ڪندڙ ستون جوابدار عبدالرحمان ياسين (هائپرلنڪ) مفرور آهي.