مرات قرايلان

ريوارڊز فار جسٽس مرات قرايلان بابت معلومات جي فراهمي تي 5 ملين آمريڪي ڊالرن تائين انعام جي آڇ ڪري ٿو، جنهن کي سيمال جي نالي سان به سڃاتو وڃي ٿو. قرايلان ڪردستان ورڪرز پارٽي (پي ڪي ڪي) ۾ سينيئر اڳواڻ آهي ۽ پي ڪي ڪي جي پيپلز ڊفينس فورسز جو سربراهه آهي، جيڪا گروپ جي فوجي شاخ آهي. پي ڪي ڪي آمريڪا طرفان پرڏيهي دهشتگرد تنظيم طور نامزد ٿيل آهي.

14 آڪٽوبر 2009ع تي آمريڪا جي ناڻي واري کاتي قرايلان کي فارين نارڪوٽڪس ڪنگپن ڊيزنيشن ايڪٽ (ڪنگپن ايڪٽ) مطابق خاص طور تي نامزد منشيات جو اسمگلر نامزد ڪيو. ان نامزدگي جي نتيجي ۾ آمريڪا جي دائره اختيار ۾ ايندڙ قرايلان جا سمورا اثاثا منجمند ڪيا ويا آهن ۽ آمريڪي شهرين تي قرايلان سان ڪنهن به قسم جي مالي يا واپاري ڏي وٺ ڪرڻ تي پابندي مڙهي وئي آهي.