ريووليوشنري اسٽرگل (آر ايس)
يورپ ۽ يوريشيا
ريووليوشنري اسٽرگل (آر ايس) 2003ع ۾ ٻن يوناني مارڪسٽ گروپن، 17 نومبر ۽ ريووليوشنري پيپلز اسٽرگل جا ميمبر گرفتار ٿيڻ کانپوءِ ظاهر ٿيو. آر ايس جيڪو انتهاپسند مارڪسٽ گروپ آهي، يونان ۾ آمريڪا ۽ يونان جي هدفن کي نشانو بڻايو اٿس. آر ايس پهريون ڀيرو ان وقت مشهور ٿيو جڏهن هن 5 سيپٽمبر 2003ع تي 17 نومبر جي ميمبرن جي ڪيس دوران ڪورٽ هائوس تي بم حملي جي ذميواري قبول ڪئي. آر ايس جنوري 2007ع ۾ ايٿنز ۾ آمريڪي سفارتخاني تي راڪيٽ وسيلي هلندڙ گرنيڊن جي حملي ۽ مارچ 2009ع ۾ ايٿنز ۾ سٽي بئنڪ جي شاخ تي بم حملي جي ذميواري قبول ڪئي.
18 مئي 2009ع تي آمريڪا جي پرڏيهي وزارت آر ايس کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو. ان کانپوءِ 17 سيپٽمبر 2009ع تي آمريڪي پرڏيهي وزارت ترميم ٿيل ايگزيڪيوٽو آرڊر 13224 مطابق آر ايس کي خاص طور تي نامزد عالمي دهشتگرد طور نامزد ڪيو. نتيجي طور آمريڪا جي دائره اختيار ۾ ايندڙ آر ايس جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي آر ايس سان ڪنهن به قسم جي ڏيتي ليتي ڪرڻ تي پابندي مڙهي وئي آهي. آر ايس کي ڄاڻي واڻي سامان يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
