حسين محمد العمري
ويجھو اوڀر - اتر آفريڪا ۽ وچ اوڀر
ريوارڊز فار جسٽس حسين محمد العمري جنهن کي حُسين محمّد العمري ابو ابراهيم طور به سڃاتو وڃي ٿو بابت معلومات جي فراهمي تي 5 ملين آمريڪي ڊالرن تائين انعام جي آڇ ڪري ٿو. العمري 1982ع ۾ پان آمريڪي اڏام 830 تي بم حملي ۾ ڪردار سبب گهربل آهي. العمري بم ٺاهڻ جو ماهر ۽ دهشتگرد گروپ 15 مئي جو هڪ دفعي وارو اڳواڻ آهي.
11 آگسٽ 1982ع تي هڪ بم جنهن بابت چيو پيو وڃي ته اهو ڊيزائن ۽ تيار العمري ڪيو هو، پان آمريڪي اڏام 830 تي ڦاٽي پيو، هوائي جهاز تي 267 مسافر ۽ عملي جا ماڻهو سوار هئا، جهاز جاپان جي شهر ٽوڪيو کان هونولولو هوائي وڃي رهيو هو، بم ڦاٽڻ جي نتيجي ۾ 16 ورهين جو هڪ مسافر مارجي ويو ۽ 16 ٻيا زخمي ٿي پيا. العمري تي ٻين ٻن ماڻهن سان گڏ آمريڪا ۾ بم ڌماڪي سان تعلق تي فرد جرم لاڳو ڪئي وئي. فرانسيسي حڪومت پڻ العمري تي 1985ع ۾ مارڪس اينڊ اسپينس ڊپارٽمينٽ اسٽور ۽ ليومي بئنڪ تي بم حملي جي ڏوهه ۾ فرد جرم لاڳو ڪئي.
العمري وٽ لبناني پاسپورٽ آهي ۽ ٿي سگهي ٿو ته عراق يا لبنان ۾ رهندو هجي. سندس نالو ايف بي آءِ جي سڀ کان وڌيڪ گهربل دهشتگردن جي لسٽ ۾ شامل آهي. آمريڪا جو بچاء وارو کاتو پڻ اهڙي معلومات جي فراهمي تي 2 لک آمريڪي ڊالرن جي انعام جي آڇ ڪري ٿو جنهن سان سندس گرفتاري عمل ۾ اچي سگهي.
