انصارالدين (اي اي ڊي)
آفريڪا - سب صحارا
انصار الدين (اي اي ڊي) 2011ع ۾ قائم ڪئي وئي هئي. مارچ 2012ع جي بغاوت کانپوءِ جنهن ۾ ملائي حڪومت کي ختم ڪيو ويو، اي اي ڊي انهن تنظيمن ۾ شامل هئي جن اتر مالي تي قبضو ڪيو، يونيسڪو جي عالمي ورثن وارين جاين کي تباهه ڪيو ۽ پنهنجي ڪنٽرول وارن علائقن ۾ سخت تشريح واري شرعي قانون لاڳو ڪيو. 2017ع ۾ اي اي ڊي جماعت نصر السلام والمسلمين (جي اين آءِ ايم) ۾ شامل ٿي جيڪو اي اي ڊي جي اڳواڻ اياد اغ غالي جي اڳواڻي ۾ القاعدہ ڏانهن لاڙو رکندڙ هڪ نئو اتحاد هو.
22 مارچ 2013ع تي آمريڪا جي پرڏيهي وزارت اي اي ڊي کي ترميم ٿيل اميگريشن اينڊ نيشنلٽي ايڪٽ جي سيڪشن 219 تحت پرڏيهي دهشتگرد تنظيم نامزد ڪيو. ان کان اڳ 21 مارچ 2013ع تي آمريڪي پرڏيهي وزارت ترميم ٿيل ايگزيڪيوٽو آرڊر 13224 مطابق اي اي ڊي کي خاص طور تي نامزد عالمي دهشتگرد طور نامزد ڪيو هو. ان جي نتيجي ۾ خاص طور تي نامزد عالمي دهشتگرد طور پابندين تحت اچي وئي. نتيجي طور آمريڪا جي دائره اختيار ۾ ايندڙ اي اي ڊي جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي اي اي ڊي سان ڪنهن به قسم جي ڏيتي ليتي ڪرڻ تي پابندي مڙهي وئي آهي. اي اي ڊي کي ڄاڻي واڻي سامان يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
