اساسي هوٽل تي حملو
آفريڪا - سب صحارا
ريوارڊز فار جسٽس 2019ع ۾ ڪسمايو، صوماليا ۾ اساسي هوٽل تي ٿيل حملي جي ذميوار ڪنهن به ماڻهو بابت ڄاڻ جي فراهمي تي 10 ملين آمريڪي ڊالرن تائين انعام جي آڇ ڪري ٿو.
12 جولاءِ 2019ع تي الشباب جي آپگهاتي بمبار ڌماڪيدار مادي سان ڀريل گاڏي اساسي هوٽل جي گيٽ تي ڌماڪي سان اڏائي ڇڏي هئي جنهن جي نتيجي ۾ الشباب جا ٻيا دهشتگرد هوٽل ۾ داخل ٿي ويا. حملو ڪندڙن ٻن آمريڪي شهرين سميت 26 ڄڻن کي قتل ۽ 56 ڄڻن کي شديد زخمي ڪري ڇڏيو هو. صوماليا جي سيڪيورٽي فورسز حملو ڪندڙ 4 جوابدارن کي ماري ڇڏيو هو.
الشباب ڪينيا، صوماليا ۽ پاڙيسري ملڪن ۾ ڪيترن ئي دهشتگرداڻي حملن جي ذميوار آهي جن ۾ آمريڪي شهرين سميت هزارين ماڻهو مارجي چڪا آهن. آمريڪي پرڏيهي وزارت مارچ 2008ع ۾ الشباب کي پرڏيهي دهشتگرد تنظيم (ايف ٽي او) ۽ خاص طور تي نامزد عالمي دهشتگرد (ايس ڊي جي ٽي) طور نامزد ڪيو. اپريل 2010ع ۾ گڏيل قومن جي سلامتي ڪائونسل جي صوماليا بابت پابندي واري ڪميٽي پڻ ٺهراءُ 1844(2008ع) جي پيراگراف 8 مطابق نامزد ڪيو.
