ادهم حسين طباجه
ويجھو اوڀر - اتر آفريڪا ۽ وچ اوڀر
ريوارڊز فار جسٽس اهڙي ڄاڻ جي فراهمي تي 10 ملين آمريڪي ڊالرن تائين جي انعام جي آڇ ڪري ٿو جنهن جي نتيجي ۾ حزب الله جي مالياتي نظام ۾ خلل پوي. ادهم حسين طباجه جنهن کي ادهم طباجه طور پڻ سڃاتو وڃي ٿو، حزب الله جو ميمبر آهي، جا حزب الله جي سينيئر تنظيمي عنصرن سان سڌا رابطا آهن جنهن ۾ دهشتگرد گروپ جون ڪارروايون ڪندڙ حصو اسلامڪ جهاد به شامل آهي.
طباجه لبنان ۾ حزب الله طرفان ملڪيتون به سنڀالي ٿو. هو لبنان جي ريئل اسٽيٽ ڊيولپمينٽ ۽ تعميراتي فرم الانما گروپ فار ٽوئرزم ورڪس جو اڪثريتي مالڪ آهي، جنهن تي آمريڪا جي ناڻي واري کاتي جون 2015ع ۾ پابندي هنئي. طباجه جي ڪمپني الانما انجنيئرنگ اينڊ ڪانٽريڪٽنگ 1990ع جي ڏهاڪي کان لبنان جو سڀ کان وڏو ۽ سڀ کان ڪامياب ريئل اسٽيٽ ڪاروبار رهيو آهي جنهن کي حزب الله سيڙپڪاري طور استعمال ڪيو آهي. طباجه حزب الله قيادت سان پنهنجن لاڳاپن کي الانما انجنيئرنگ اينڊ ڪانٽريڪٽنگ لاءِ حزب الله جي ڪنٽرول هيٺ بيروت جي حصي داهيه ۽ ڏکڻ لبنان ۾ تعميراتي هڪ هٽي قائم ڪرڻ لاءِ استعمال ڪيو. تازو ئي طباجه الانما انجنيئرنگ اينڊ ڪانٽريٽڪنگ جي عراقي شاخن کي عراق ۾ تيل جا ۽ تعميراتي پراجيڪٽ حاصل ڪرڻ لاءِ استعمال ڪيو جيڪا حزب الله کي مالي مدد ۽ تنظيمي ڍانچو فراهم ڪري ٿي. طباجه ۽ سندس ڪمپنين هميشه عراق جي راڄڌاني بغداد جي گرين زون ۾ منافعي بخش ڪاروباري معاهدا حاصل ڪرڻ جي ڪوشش ڪئي آهي. طباجه انهن منصوبن لاءِ حزب الله جي عهديدارن سان گڏ ڪم ڪيو آهي جن ۾ حزب الله جو سياسي عهديدار محمد ڪوثراني به شامل آهي.
10 جون 2015ع تي آمريڪا جي ناڻي واري کاتي طباجه کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ طباجه جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي طباجه سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي. سعودي عرب پڻ طباجه ۽ سندس ڪمپنين کي دهشتگرد ڪمپنيون قرار ڏنو آهي.
