سيڪا موسيٰ بلوڪو
آفريڪا - سب صحارا
ريوارڊز فار جسٽس آءِ ايس آءِ ايس- ڊي آر سي جي اڳواڻ سيڪا موسيٰ بلوڪو بابت ڄاڻ جي فراهمي تي 5 ملين ڊالرن تائين انعام جي آڇ ڪري ٿو.
سيڪا موسيٰ بلوڪوجي اڳواڻي ۾ آءِ ايس آءِ ايس- ڊي آر سي نشانو بڻائي ٿو، معذور ڪري ٿو، جنسي زيادتي ڪري ٿو، ۽ ٻيا جنسي تشدد ڪري ٿو، ۽ ٻارن سميت شهرين جي اغوا ۾ ملوث آهي. گروپ ڊي آر سي جي بيني علائقي ۾ حملن دوران ۽ جبري پورهئي لاءِ ٻارن کي ڀرتي ۽ استعمال ڪري ٿو. آءِ ايس آءِ ايس- ڊي آر سي جنهن کي الائيڊ ڊيموڪريٽڪ فورسز (اي ڊي ايف) ۽ مدينه التوحيد وائو مجاهدين، ٻين نالن سان پڻ سڃاتو وڃي ٿو، اتر ڪيويو ۽ اوڀر ڊي آر سي ۾ اتوري صوبي ۾ ڪانگو جي شهرين ۽ علائقائي فورسز خلاف وحشياڻو تشدد شروع ڪيو آهي. گڏيل قومن جي سلامتي ڪائونسل مطابق هن گروپ رڳو 2020ع ۾ 849 کان وڌيڪ شهرين کي قتل ڪيو.
مارچ 2021ع ۾ آمريڪي پرڏيهي وزارت بلوڪو کي خاص طور تي نامزد عالمي دهشتگرد (ايس ڊي جي ٽي) طور نامزدو ڪيو. ساڳئي وقت تي پرڏيهي وزارت آءِ ايس آءِ ايس- ڊي آر سي کي ايس ڊي جي ٽي طور پرڏيهي دهشتگرد تنظيم قرار ڏنو.
انهن نامزدگين جي نتيجي طور ٻين نتيجن طور آمريڪا جي دائره اختيار ۾ ايندڙ جي نامزد ٿيلن جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي انهن سان ڪنهن به قسم جي ڏيتي ليتي ڪرڻ تي پابندي مڙهي وئي آهي. پرڏيهي مالياتي ادارا جيڪي بلوڪو يا آءِ ايس آءِ ايس- ڊي آر سي طرفان ڄاڻي واڻي ڪا ڏيتي ليتي ڪن ٿا يا ان ۾ سهولت فراهم ڪن ٿا اهي آمريڪي لاڳاپيل اڪائونٽ يا ادائيگي جوڳي اڪائونٽ ذريعي پابندي هيٺ اچي سگهن ٿا. ان کانسواءِ آءِ ايس آءِ ايس- ڊي آر سي کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.
ان کان اڳ 2014ع ۾ اي ڊي ايف تي سندس تشدد ۽ ظلم سبب آمريڪا جي ناڻي واري وزارت ۽ گڏيل قومن، گڏيل قومن جي سلامتي ڪائونسل جي ڊي آر سي پابندين واري نظام تحت پابندي مڙهي هئي. آمريڪا جي ناڻي واري وزارت 2019ع ۾ بلوڪو ۽ اي ڊي ايف جي 5 ٻين ميمبرن تي انساني حقن جي سنگين ڀڃڪڙين ۾ سندن ڪردار سبب عالمي ميگنيٽسڪي پابندي نجي پروگرام تحت پابندي مڙهي. 2020ع ۾ گڏيل قومن ڊي آر سي پابندين واري پروگرام تحت بلوڪو کي وڌيڪ پابندين لاءِ نامزد ڪيو.
