علي الشاعر

ريوارڊز فار جسٽس اهڙي ڄاڻ جي فراهمي تي 10 ملين آمريڪي ڊالرن تائين جي انعام جي آڇ ڪري ٿو جنهن جي نتيجي ۾ حزب الله جي مالياتي نظام ۾ رنڊڪ يا خلل پوي. علي الشاعر حزب الله جي فنانسر حسيب محمد حدوان جي آفيس مئنيجر طور ڪم ڪري رهيو آهي ۽ 2000ع کان حزب الله طرفان مالي عطيا وٺندو رهيو آهي. حزب الله ۾ سندن ڪمن ۽ ذميوارين جي حصي طور الشاعر ۽ حدوان لبنان ڏانهن رقم جي منتقلي لاءِ بين الاقوامي مالياتي نظام استعمال ڪن ٿا جڏهن ته فنڊز گڏ ڪرڻ جي اصل مقصد کي لڪايو وڃي ٿو جيڪو تنظيم جي دهشتگرداڻي سرگرمين لاءِ مالي مدد فراهم ڪرڻ آهي.

17 سيپٽمبر 2021ع تي آمريڪا جي ناڻي واري کاتي الشاعر کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙالشاعر جي سموري ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي الشاعر سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي.