ساجد مير
ڏکڻ ۽ وچ ايشيا
ريوارڊز فار جسٽس ساجد مير بابت ڄاڻ جي فراهمي لاءِ 5 ملين آمريڪي ڊالرن تائين انعام جي آڇ ڪري ٿو، ساجد مير کي ساجد ماجد چوڌري ۽ ساجد ماجد طور پڻ سڃاتو وڃي ٿو. مير جيڪو پاڪستان جي پرڏيهي دهشتگرد تنظيم (ايف ٽي او) لشڪر طيبه (ايل اي ٽي) جو سينيئر ميمبر آهي، نومبر 2008ع ۾ ممبئي ڀارت ۾ ٿيل حملن جي سلسلي ۾ گهربل آهي. مير ايل اي ٽي جي آپريشنل مئنيجر طور انهن حملن جي رٿابندي، تيارين ۽ عملدرآمد ۾ مک ڪردار ادا ڪري رهيو هو.
26 نومبر کان شروع ٿي 29 نومبر 2008ع تائين جاري رهندڙ ان ڪارروائي ۾ لشڪر طيبه (ايل اي ٽي) جيڪا آمريڪا طرفان پرڏيهي دهشتگرد تنظيم طور نامزد ٿيل آهي، جي سکيا ورتل 10 جوابدارن ڀارت جي شهر ممبئي جي ڪيترن ئي هدفن کي منظم دهشتگرد حملن وسيلي نشانو بڻايو جنهن جي نتيجي ۾ 166 ماڻهو مارجي ويا. ٽن ڏينهن تائين جاري رهندڙ محاصري ۾ 6 آمريڪي شهري پڻ مارجي ويا جن ۾ بين زيون ڪرومين، گيوريل هولٽزبرگ، سنديپ جيسواڻي، ايلن شير، نومي شير ۽ آريه ليبش ٽيٽلبام شامل آهن.
مير اٽڪل 2001ع کان لشڪر طيبه جو سينيئر ميمبر رهيو آهي. 2006ع کان 2011ع تائين مير لشڪر طيبه جي ٻاهرين ڪارروائين جو انچارج هو ۽ هن پنهنجي گروپ طرفان ڪيترن ئي دهشتگرد حملن جي منصوبا بندي ڪئي ۽ انهن جون هدايتون ڏنيون. ان کان علاوه مير مبينه طور تي 2008ع ۽ 2009ع جي وچ ۾ ڊينمارڪ ۾ هڪ اخبار ۽ سندس ملازمن خلاف دهشتگرد حملي جي سازش ڪئي.
ممبئي جي حملن ۾ سندس ڪردار سبب اپريل 2011ع تي آمريڪا ۾ مير خلاف فرد جرم لاڳو ڪئي وئي. 30 آگسٽ 2012ع تي آمريڪا جي ناڻي واري کاتي مير کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ مير جي سموري ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي مير سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم ايل اي ٽي کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي. مير ايف بي آءِ کي سڀ کان وڌيڪ گهربل دهشتگردن جي لسٽ ۾ شامل آهي. اهو سمجهيو پيو وڃي ته هو پاڪستان ۾ رهي پيو.
