فقير بن عبدالعزيز بوسورا

ريوارڊز فار جسٽس فقير بن عبدالعزيز بوسورا بابت معلومات جي فراهمي تي 5 ملين آمريڪي ڊالرن تائين جي انعام جي آڇ ڪري ٿو، بوسورا کي يوسف التيونسي يا فقيرون جي نالي سان به سڃاتو وڃي ٿو. بوسورا القاعده (اي ڪيو) جو سکيا ورتل ڪارڪن آهي جيڪو آپگهاتي بمبار طور بم حملن جي خواهش ظاهر ڪري چڪو آهي. هن جا سختگير اسلامي انتهاپسندن سان گهرا لاڳاپا آهن ۽ القاعده جي شڪي تيونسي دهشتگرد عبدالرئوف جيڊي جو ساٿي آهي. بوسورا 1988ع ۾ پنهنجي اباڻي ملڪ تيونس کي ڇڏي فرانس منتقل ٿي ويو. هو 1991ع ۾ فرانس ڇڏي مونٽريال ڪئنيڊا منتقل ٿي ويو، 1990ع واري ڏهاڪي ۾ ڪئنيڊا کان تيونس ۽ تيونس کان ڪئنيڊا جو جلدي جلدي سفر ڪندو رهيو. بوسورا 1999ع ۾ ڪئنيڊا جي شهريت حاصل ڪئي. ساڳئي سال بوسورا ڪئنيڊا کان افغانستان هليو ويو جتي هن القاعده کان دهشتگردي جي سکيا ورتي. جنهن کانپوءِ هو ڪئنيڊا واپس آيو. هن وقت هو ڪٿي آهي ان بابت ڄاڻ نه ملي سگهي آهي. اختيارين کي ڳڻتي آهي ته هي ڪئنيڊا يا آمريڪا واپس اچي ڪنهن حملي جي منصوبابندي يا حملي ۾ حصو وٺي سگهي ٿو. ٿي سگهي ٿو ته هو شديد بيمار هجي ۽ سندس حالت انتهائي خراب هجي نتيجي ۾ وزن گهٽجي وڃڻ ۽ جسماني بيهڪ تبديل ٿي وڃڻ شامل آهي.