علي عطوه

ريوارڊز فار جسٽس علي عطوه بابت معلومات جي فراهمي تي 5 ملين آمريڪي ڊالرن تائين انعام جي آڇ ڪري ٿو، علي عطوه کي عمار منصور بوسليم ۽ حسن روستم سليم طور پڻ سڃاتو وڃي ٿو. حزب الله جو مبينه ميمبر عطوه 1985ع ۾ ٽي ڊبليو اي اڏام 847 جي هائجيڪنگ ۾ ڪردار سبب گهربل آهي.

14 جون 1985ع تي دهشتگردن اٿينز کان روم ويندڙ ٽي ڊبليو اي جي اڏام 847 کي دهشتگردن اغوا ڪري ورتو. 17 ڏينهن دوران 153 مسافرن ۽ عملي جي ماڻهن سميت جهاز کي رومي سمنڊ مٿان هيڏانهن کان هوڏانهن ۽ هوڏانهن کان هيڏانهن وڃڻ تي مجبور ڪيو ويو، جهاز بيروت مان الجزيره ويو جتان وري واپس آيو، جهاز 3 ڀيرا بيروت ۾ لينڊنگ ڪئي. پهريون ڀيرو بيروت ۾ اسٽاپ ڪرڻ دوران هائجيڪرن آمريڪي نيوي جي ٽوٻي رابرٽ اسٽيٽيم کي شديد تشدد جو نشانو بڻائڻ بعد کيس گولي هڻي قتل ڪري ڇڏيو.

14 نومبر 1985ع تي عطوه تي هائجيڪنگ ۾ ڪردار ۽ ملوث هجڻ تي فرد جرم لاڳو ڪئي وئي. 12 آڪٽوبر 2001ع تي آمريڪا جي پرڏيهي وزارت عطوه کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ عطوه جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي عطوه سان ڪنهن به قسم جي ڏيتي ليتي ڪرڻ تي پابندي مڙهي وئي آهي. ان کان علاوه آمريڪا جي نامزد پرڏيهي دهشتگرد تنظيم حزب الله کي ڄاڻي واڻي مادي مدد يا وسيلن جي فراهمي يا ان جي ڪوشش يا سازش ڪرڻ هڪ ڏوهه آهي. عطوه جو نالو ايف بي آءِ جي سڀ کان وڌيڪ گهربل دهشتگردن جي لسٽ ۾ شامل آهي. خيال ڪيو پيو وڃي ته هو لبنان ۾ موجود آهي.