احمد ابراهيم المغسل
ويجھو اوڀر - اتر آفريڪا ۽ وچ اوڀر
ريوارڊز فار جسٽس احمد ابراهيم المغسل جنهن کي ابو عمران طور پڻ سڃاتو وڃي ٿو بابت ڄاڻ جي فراهمي تي 5 ملين آمريڪري ڊالرن تائين انعام جي آڇ ڪري ٿو. المغسل جيڪو مبينه طور تي دهشتگرد تنظيم سعودي حزب الله جي ويڙهاڪ ڌڙي جو سربراهه آهي، سعودي عرب جي شهر دهران ڀرسان 1996ع ۾ خوبر ٽاورز تي ٿيل حملي حملي ۾ گهربل آهي.
25 جون 1996ع تي سعودي حزب الله جي ميمبرن ڌماڪيدار مادي سان ڀريل ٽئنڪر ٽرڪ آمريڪي فوجي اهلڪارن جي رهائش طور استعمال ٿيندڙ خوبر ٽاورز جي پارڪنگ لاٽ ۾ ڌماڪي سان اڏائي ڇڏي. ڌماڪي جي نتيجي ۾ عمارت مڪمل طور تي تباهه ٿي وئي، 19 آمريڪي فوجي ۽ هڪ سعودي شهري مارجي ويا، جڏهن ته مختلف ملڪن سان تعلق رکندڙ ٻيا سوين ماڻهو زخمي ٿي پيا.
21 جون 2001ع هڪ آمريڪي گرينڊ جيوري المغسل ۽ 13 ٻين تي حملي سان لاڳاپيل هجڻ تي فرد جرم لاڳو ڪري ڇڏي.
12 آڪٽوبر 2001ع تي آمريڪا جي پرڏيهي وزارت المغسل کي ترميم ٿيل ايگزيڪيوٽو آرڊر 13224 تحت خاص طور تي نامزد عالمي دهشتگرد طور نامزد ڪيو. ان نامزدگي جي نتيجي ۾ ٻين نتيجن طور آمريڪا جي دائره اختيار ۾ ايندڙ المغسل جي ملڪيت ۽ ملڪيت ۾ مفاد بلاڪ ڪيا ويا آهن ۽ آمريڪي شهرين تي المغسل سان ڪنهن به قسم جي ڏيتي ليتي ڪرڻ تي پابندي مڙهي وئي آهي. هو ايف بي آءِ جي انتهائي گهربل ماڻهن جي لسٽ ۾ شامل آهي.
