ڪامياب اسٽوريز
فلپائن ۾ آمريڪين جو اغوا ۽ قتل
RFJ ٻن ماڻهن کي 5 ملين ڊالر انعام ڏنو جن ابو سياف گروپ (ASG) اڳواڻ ابو سليمان بابت معلومات ڏني. آمريڪي سفير 7 جون 2007 تي فلپائن ۾ جولو جي ٻيٽ تي هڪ عوامي تقريب ۾ ماڻهن کي انعام ڏيڻ واري تقريب جي صدارت ڪئي.
ابو سليمان فلپائن ۾ ڪم ڪندڙ دهشتگرد تنظيم ASG جي اعليٰ ترين اڳواڻن مان هو. سليمان، قذافي جنجلاني سان گڏ فلپائني ۽ آمريڪي شهرين جي اغوا ۽ موت جو ذميوار هو. سليمان مارٽن ۽ گريشيا برنهم ۽ ٻن ٻين آمريڪي شهرين جي اغوا ۾ شامل ھو ۽ آمريڪي شهري گلرمو سوبيرو جي سر قلم ڪرڻ ۾ به حصو ورتو هو. سليمان آمريڪا جي مفادن تي حملن جي منصوبابندي ڪئي ۽ ان تي عمل به ڪيو هو، جهڙوڪ منيلا ۾ آمريڪي سفارتخاني خلاف بم ڌماڪا، فيبروري 2004 تي سپر فيري 14 جو غرق ٿيڻ ۽ 2005 ۾ ويلنٽائن ڊي ٽرپل بم ڌماڪا، جن ۾ مجموعي طور تي سوين معصوم ماڻهو مارجي ويا يا زخمي ٿيا.
16 جنوري 2007 تي فلپائن جي هٿياربند فوج مخبرن جي ڏنل معلومات تي عمل ڪندي سليمان کي پڪڙڻ لاءِ آپريشن شروع ڪيو. حملي دوران سليمان مزاحمت ڪئي ۽ مارجي ويو.
