عبد الرحمان ياسين
ڌرتي جي مغربي حصو | ويجھو اوڀر - اتر آفريڪا ۽ وچ اوڀر
ريوارڊز فار جسٽس عبدالرحمان ياسين جنهن کي عبدالرحمان سعيد ياسين ۽ ابود ياسين طور پڻ سڃاتو وڃي ٿو، بابت ڄاڻ جي فراهمي لاءِ 5 ملين آمريڪي ڊالرن تائين انعام جي آڇ ڪري ٿو. ياسين فيبروري 1993ع ۾ نيويارڪ جي ورلڊ ٽريڊ سينٽر تي بم حملي ۾ ماسٽر مائينڊ دهشتگرد رمزي يوسف جي سڌي ريت مدد ڪئي.
26 فيبروري 1993ع ۾ ياسين يوسف سان گڏ ڌماڪيدار مادي سان ڀريل ٽرڪ ورلڊ ٽريڊ سينٽر جي زير زمين پارڪنگ لاٽ ۾ بيهاريو. ڌماڪي جي نتيجي ۾ 6 ڄڻا مارجي ويا، هڪ هزار کان وڌيڪ ماڻهو زخمي ٿي پيا ۽ سوين ملين ڊالرن جو نقصان پڻ ٿيو. ياسين گرفتاري کان بچڻ لاءِ آمريڪا مان عراق فرار ٿي ويو. حملي ۾ حصو وٺڻ تي ياسين خلاف آمريڪا ۾ ڪيترن ئي الزامن هيٺ فرد جرم لاڳو ڪئي وئي آهي.
ياسين آمريڪا ۾ پيدا ٿيو، 1960ع جي ڏهاڪي ۾ عراق هليو ويو ۽ 1992ع ۾ واپس آمريڪا اچي ويو. هن وٽ آمريڪي پاسپورٽ آهي. هو ايف بي آءِ جي سڀ کان وڌيڪ گهربل ماڻهن جي لسٽ ۾ شامل آهي.
