علي سعید بن علي الحوري
نږدې ختیځ - شمالي افریقا او مینځني ختیځ
د عدالت لپاره د انعامونو پروګرام د علي سعید بن علي الحوري په اړه د معلوماتو لپاره تر 5 ملیون ډالرو پورې انعام وړاندیز کوي چې د علي سعید بن علي الحوري په نوم هم پیژندل کیږي. الحوري چې د سعودي د حزب الله ترهګریز سازمان تورن غړی دی په 1996 کال کې د سعودي عربستان ظهران ته څېرمه د خُبار برجونو په چاودنه کې د رول لرلو په تور نیول شوی دی.
د 1996 کال د جون په 25 د سعودي حزب الله غړو د خُبار برجونو په پارکینګ کې د پلاستیکي چاودیدونکو توکو یوه ټانکر ته چاودنه ورکړه، چې د امریکا پوځي پرسونل د استوګنې ځای دی. چاودنې ټولې نږدې ودانۍ ویجاړې کړې، د متحده ایالاتو 19 سرتیري او یو سعودي وګړی یې ووژل او د بیلابیلو هیوادونو سلګونه کسان یې ټپیان کړل.
د 2001 کال د جون په 21، د متحده ایالاتو فدرالي لویې محکمې الحوری او 13 نور کسان په دې برید کې تورن کړل.
د 2001 کال د اکتوبر په 12، د متحده ایالاتو د بهرنیو چارو وزارت د 13224 اجرایوي حکم، د تعدیل سره سم الحوری د ځانګړي نومول شوي نړیوال ترهګر په توګه ونماوه. د دې نومونې په پایله کې، د نورو پایلو په منځ کې، د الحوری ټول ملکیتونه، او په ملکیت کې ګټې چې د متحده ایالاتو د قضا سره مخ دي، تړل شوي، او د متحده ایالاتو خلک په عمومی توګه د الحوری سره په هر ډول معاملو کې د ښکیلتیا څخه منع دي. هغه د FBI تر ټولو مطلوب ترهګرو په لیست کې دی.
