عاطف یحیی غوري

عدالت لپاره د انعامونو پروګرام د هند په نیمه وچه کې د القاعدې د ترهګرې ډلې د امیر مرستیال، عاطف یحیی غوري، په اړه د معلوماتو لپاره تر ۱۰ ملیونو ډالرو پورې انعام وړاندې کوي.

د راپورونو له مخې غوري د پاکستان په اسلام اباد کې زیږیدلی او په نړیوال اسلامي پوهنتون کې، هماغه پوهنتون کې چې د هند د نیمه وچه د القاعدې د پخواني مرستیال استاد احمد فاروق زده کړې کړې وې، زده کړې کړي. کله چی فاروق د ۲۰۱۵ کال د جنورۍ په ۱۵ د امریکا د بې پیلوټه الوتکې په برید کې ووژل شو نو د هغه د وژل کېدو وروسته غوري د هند په نیمه وچه کې د القاعدې مرستیال شو. هغه د قاري عاطف، عاطف غوري، یحیی شعیب غوري او قاري ابراهیم په نومونو هم یادېږي.

د ۲۰۱۴ کال په سپتمبر کې، د القاعدې د هغه وخت مشر، ایمن الظواهري، په هند نیمه وچه کې د القاعدې د جوړولو اعلان وکړ، او دا سیمه یې د القاعدې شبکې د یوې څانګې او په افغانستان، بنګله دیش، برما، هند او پاکستان کې د جهادي ډلو ترمنځ د اړیکو د مرکز په توګه معرفي کړه.

دې ډلې د ۲۰۱۵ کال د فبروري په ۲۶مه د بنګله دېش الاصل امریکایي اتباعو او واده شوې جوړې روی او رفیده بونیا احمد باندې د چړې برید مسؤلیت په غاړه واخیست، چې د کتابونو په نندارتون کې د ګډون لپاره ډهاکا ته تللي وو. روی په چړو ووژل شو او د هغه میرمن د سختو ټپونو لکه د یوې پرې شوې ګوتې او د سر د څو ټپونو سره ژوندی پاتی شوه.

د القاعدې بنګله دیش څانګې د ۲۰۱۶ کال د اپریل په ۲۶مه د امریکا د نړیوالې پراختیایي ادارې د کارکونکی ذولحاز منان او د هغه یو ملګري د وژنې مسؤلیت هم په غاړه واخیست.

د جون په ۳۰مه، ۲۰۱۶ کال کې، د متحده ایالاتو د بهرنیو چارو وزارت د هند په نیمه وچه کې د القاعدې ډله د کډوالۍ او تابعیت قانون د ۲۱۹ برخې لاندې د بهرني ترهګر سازمان په توګه وټاکله. او د ۱۳۲۲۴ د اجرایوي فرمان د ۱(بی) برخې لاندې د ځانګړي نومول شوي نړیوال ترهګر په توګه وټاکله. بهرنیو چارو وزارت د اکتوبر په ۸ مه، ۱۹۹۹ کال کې د القاعدې اصلي ډله د بهرني ترهګر سازمان په توګه وټاکله.

د ۲۰۲۲ کال د نومبر په ۳۰مه، د متحده ایالاتو د بهرنیو چارو وزارت عاطف یحیی غوري د ۱۳۲۲۴ اجرایوي فرمان له مخې په ځانګړي ډول نومول شوی نړیوال ترهګر په توګه وټاکه.

د دې نوملړونو په نتیجه کې، او د نورو پایلو تر څنګ، د عاطف یحیی غوري ملکیت او په ملکیت کې ټولی ګټې چې د متحده ایالاتو د قضایی صلاحیت لاندې دي، بندې شوې دي، او د متحده ایالاتو وګړي په عمومي ډول د عاطف یحیی غوري سره هر ډول معاملو کې د ښکیلتیا څخه منع دي. سربیره پردې، دا جرم دی چې په پوهه سره القاعدې او د هند په نیمه وچه کې القاعدې ته مادي ملاتړ یا سرچینې چمتو کړي، یا د چمتو کولو هڅه وکړي.