په آسسي هوټل برید
افریقا – فرعي -صحارا
عدالت لپاره د انعامونو پروګرام د سومالیا په کسمایو کې د آسسي هوټل باندې د ۲۰۱۹ کال د برید مسؤلینو په اړه د معلوماتو لپاره تر ۱۰ میلیونو ډالرو پورې انعام وړاندیز کوي.
د ۲۰۱۹ کال د جولای په ۱۲مه، د الشباب یوه ځانمرګي بریدګر د آسسي هوټل په دروازه کې په موټر کې ځای پر ځای شوي چاودیدونکي توکي وچول، چې د الشباب نورو ترهګرو ته یې اجازه ورکړه چې تاسیساتو ته ننوځي. برید کوونکو د دوو امریکایانو په ګډون ۲۶ تنه ووژل او ۵۶ نور یې سخت ټپیان کړل. د سومالیا امنیتي ځواکونو څلور بریدګر ووژل.
الشباب په کینیا، سومالیا او ګاونډیو هیوادونو کې د ډیرو تروریستي بریدونو مسولیت په غاړه لري چې د امریکایي اتباعو په ګډون یې په زرګونو خلک وژلي دي. د آمریکا د بهرنیو چارو وزارت الشباب د ۲۰۰۸ په مارچ کې د بهرني ترهګریز سازمان (FTO) او په ځانګړي ډول نړیوال ترهګر (SDGT) په توګه ونوماوه. د ۲۰۱۰ په اپریل کې، الشباب د ملګرو ملتونو د امنیت شورا د سومالیا د بندیزونو کمیټې لخوا هم د ۱۸۴۴ (۲۰۰۸) قرارداد د ۸م پراګراف مطابق ونوماول شو.
