ساجد میر

د عدالت لپاره د انعامونو پروګرام د ساجد میر، چې د ساجد ماجد چوهدري او ساجد مجید په نومونو هم پیژندل کیږي، په اړه د معلوماتو لپاره تر 5 ملیون ډالرو پورې انعام وړاندیز کوي. میر، چې په پاکستان کې میشته د بهرنۍ ترهګریزه سازمان (FTO) لشکر طیبه (LeT) یو جګپوړی غړی دي، د هند په ممبۍ ښار کې د نومبر 2008 په ترهګریزو بریدونو کې د لاس لرلو په خاطر مطلوب دی. میر د بریدونو لپاره د لشکر طیبه عملیاتي مدیر و، د دوی په پلان جوړولو، چمتو کولو او اجرا کولو کې مخکښ رول لوبولی و.

د لشکر طیبه لخوا روزل شوي 10 کسانو د هند په ممبۍ کې د ډیری اهدافو په وړاندې یو لړ همغږي شوي ترهګریز بریدونه ترسره کړل، چې 166 کسان یې ووژل،چي د نومبر د 26، 2008 څخه پیل او د 2008 د نومبر تر 29 پورې دوام وکړ.د درې ورځني محاصرې په ترڅ کې په وژل شویو کسانو کې شپږ امریکایان شامل وو: بین زیون کرومان، ګیورییل هولټزبرګ، سندیپ جیسواني، الن شیر، ناومي شیر، او آریه لیبیش ټیتیلبام.

میر له 2001 کال راهیسې د لشکر طیبه لوړ پوړی غړی و. له 2006 څخه تر 2011 پورې، میر د لشکر طیبه د بهرنیو عملیاتو مسوول و او د دغې ډلې په استازیتوب یې بېلابېل ترهګریز بریدونه پلانول او لارښوونه یې کوله. برسیره پردې، میر د 2008 او 2009 ترمنځ په ډنمارک کې د یوې ورځپاڼې او د هغې د کارمندانو په وړاندې د ترهګريز برید د ترسره کولو دسیسه جوړه کړې وه.

د ممبۍ په بریدونو کې د هغه د رول لپاره، میر د 2011 په اپریل کې په متحده ایالاتو کې تورن شو. د اګست په 30، 2012 کې، د متحده ایالاتو د خزانې وزارت میر د اجرایوي حکم 13224 سره سم، لکه څنګه چي تعدیل شوي، په ځانګړي توګه نومول شوي نړیوال ترهګر په توګه ونماوه. د دې پیژندنې په پایله کې، د نورو پایلو په منځ کې، د میر ټول ملکیتونه، او په ملکیت کې ګټې چې د متحده ایالاتو د قضا سره مخ دي، تړل شوي، او د متحده ایالاتو وګړي په عمومي توګه د میر سره په هر ډول معاملو کې د ښکیلتیا څخه منع کړي دي. برسېره پر دې، دا یو جرم دی چې په پوهه توګه د بهرنۍ ترهګریزه سازمان لشکر طیبه ته مادي ملاتړ یا سرچینې چمتو کوي، یا هڅه کوي یا سازش وکړي. میر د FBI تر ټولو مطلوب ترهګرو په لیست کې دی. ګومان کیږي چې نوموړی په پاکستان کې اوسیږي.