عبدالکریم حسین محمد الناصر
نږدې ختیځ - شمالي افریقا او مینځني ختیځ
د عدالت لپاره د انعامونو پروګرام د عبدالکریم حسین محمد الناصر په اړه د معلوماتو لپاره تر 5 ملیون ډالرو پورې انعام وړاندیز کوي. الناصر چې د سعودي د حزب الله ترهګریز سازمان یو تورن مشر دی په 1996 کال کې د سعودي عربستان پلازمېنې دحاران ته څېرمه د خُبار برجونو په بمب ايښودلو کې د رول لرلو په تور نیول شوی دی.
د 1996 کال د جون په 25 مه د سعودي حزب الله غړو د خُبار برجونه په پارکینګ کې د پلاستیکي چاودیدونکو توکو یوه ټانکر ته چاودنه ورکړه، چې د امریکا د پوځي پرسونل د استوګنې ځای وو. چاودنې ټولې نږدې ودانۍ ویجاړې کړې، د متحده ایالاتو 19 سرتیري او یو سعودي وګړی یې ووژل او د بیلابیلو هیوادونو سلګونه وګړي یې ټپیان کړل.
د 2001 کال د جون په 21، د متحده ایالاتو فدرالي لویې محکمې الناصر او 13 نور کسان د دې برید په تړاو تورن کړل.
د 2001 کال د اکتوبر په 12، د متحده ایالاتو د بهرنیو چارو وزارت د 13224 اجرایوي حکم، د تعدیل سره سم الناصر د ځانګړي نومول شوي نړیوال ترهګر په توګه وټاکه. د دې نومونې په پایله کې، د نورو پایلو په منځ کې، د الناصر ټول ملکیتونه او په ملکیت کې ګټې چې د متحده ایالاتو د قضا سره مخ دي، بندې شوي، او د متحده ایالاتو کسان په عام ډول د الناصر سره په هر ډول معاملو کي ښکیلتیا څخه منع دي. هغه د FBI ترټولو مطلوب ترهګرو په لیست کې هم شامل دی.
