ແນວຮ່ວມ/ພັກປົດປ່ອຍແຫ່ງປະຊາຊົນປະຕິວັດ (DHKP/C)

ກ່ຽວກັບ

ພັກປົດປ່ອຍແຫ່ງປະຊາຊົນປະຕິວັດ /Front (DHKP/C) ສ້າງຕັ້ງຂຶ້ນໃນປີ 1978 ໃນປະເທດຕວັກກີ. DHKP/C ສະໜັບສະໜູນລັດທິມາກ-ເລນິນ ແລະ ຕໍ່ຕ້ານ ປະເທດສະຫະລັດ ອາເມລິການ, NATO ແລະ ການກໍ່ຕັ້ງຕວັກກີ. ກຸ່ມດັ່ງກ່າວໄດ້ເອົາຜົນປະໂຫຍດຂອງສະຫະລັດເປັນເປົ້າໝາຍ ລວມທັງ ກອງທັບສະຫະລັດ ແລະ ເຈົ້າໜ້າທີ່ ແລະ ສະຖານອຳນວຍຄວາມສະດວກພາຍໃນປະເທດ, ເຈົ້າໜ້າທີ່ ແລະ ສະຖານອຳນວຍຄວາມສະດວກແຫ່ງເນໂທ ແລະ ຕວັກກີ ນັບແຕ່ຊຸມປີ 1990. ໃນເດືອນກຸມພາ 2013, DHKP/C ໄດ້ປະຕິບັດການລະເບີດຟຣີຊີບທີ່ ສະຖານທູດສະຫະລັດໃນ Ankara. ເຫດລະເບີດດັ່ງກ່າວເຮັດໃຫ້ເຈົ້າໜ້າທີ່ປ້ອງກັນຊາວຕວັກກີເສຍຊີວິດໜຶ່ງຄົນ ແລະ ນັກຂ່າວຊາວຕວັກກີໜຶ່ງຄົນໄດ້ຮັບບາດເຈັບສາຫັດ. ໃນເດືອນມີນາ 2013, ສະມາຊີກຂອງກຸ່ມສາມຄົນໄດ້ໂຈມຕີ ກະຊວງຍຸຕິທຳ ແລະ ສຳນັກງານໃຫ່ຍຂອງພັກການເມືອງດ້ານການພັດທະນາ ແລະ ຄວາມຍຸຕິທຳແຫ່ງຕວັກກີໃນ Ankara ໂດຍໃຊ້ລະເບີດມື ແລະ ເຄື່ອງຍິງຈະຫຼວດ.

ໃນວັນທີ 8 ຕຸລາ 1997, ກະຊວງການຕ່າງປະເທດ ສະຫະລັດໄດ້ຕັ້ງຊື່ DHKP ເປັນ ອົງການກໍ່ການຮ້າຍຕ່າງປະເທດ ພາຍໃຕ້ຂໍ້ກົດໝາຍ 219 ຂອງກົດໝາຍວ່າດ້ວຍສັນຊາດ ແລະການເຂົ້າເມືອງ ຕາມທີ່ໄດ້ແກ້ໄຂ. ໃນວັນທີ 31 ຕຸລາ 2001, ກະຊວງ ການຕ່າງປະເທດ ໄດ້ຕັ້ງຊື່ DHKP/C ເປັນຜູ້ກໍ່ການຮ້າຍລະດັບໂລກທີ່ໄດ້ຮຽກເປັນພິເສດ ອີງຕາມຄຳສັ່ງພິເສດ 13224, ໃນສະບັບປັບປຸງ. ດັ່ງນັ້ນ, ຊັບສິນ ແລະ ຜົນປະໂຫຍດໃນຊັບສິນທັງໝົດຂອງ ກຸ່ມ DHKP/C, ທີ່ຢູ່ໃນພາຍໃຕ້ຂອບເຂດອຳນາດຂອງສະຫະລັດແມ່ນຖືກກີດກັ້ນ ແລະ ໂດຍທົ່ວໄປ, ພົນລະເມືອງສະຫະລັດແມ່ນຖືກຫ້າມໃນການມີສ່ວນຮ່ວມດຳເນີນທຸລະກຳໃດໆກັບ DHKP/C. ຈະມີໂທດໃນການສະໜອງ ຫລື ພະຍາຍາມ ຫລື ຄົບຄິດກັນໃນການສະໜອງ, ການຊ່ວຍເຫລືອດ້ານວັດສະດຸ ຫລື ຊັບພະຍາກອນໃຫ້ ກຸ່ມ DHKP/C.