هەمسیراجی ماروسی سالی (کۆچکردوو)

ڕفاندن و کوشتنی هاووڵاتیانی ئەمریکی لە فلیپین

RFJ بۆ ئەو زانیاریانەی بوون بە هۆی گیرانی هەمسیراجی ماروسی سالی، فەرماندەی گرووپی ابوسیاف (ASG) لە فلیپین، بڕی 1 میلیۆن دۆلار خەڵاتی دا.

هەمسیراجی سالی لە 28ی ئابی 2000 بەشدار بوو لە ڕفاندنی جیفری شیلینگ و ڕووداوی ڕفاندنی دۆس پالماسی 27ی ئایاری 2001. لە بەرامبەر ئازادکردنی جێفری شیلینگ، ASG داوای 10 میلیۆن دۆلار و ئازادکردنی سێ تیرۆریستی نێودەوڵەتی لە زیندانەکانی ئەمریکا کرد: هێزەکانی ئەلقاعیدە ڕەمزی یوسف و والی خان و عمر عبدالرحمان (ناسراو بە شێخە کوێر)، سەرکردەی مەلای گرووپی تیرۆریستی میسری جەماعەتی ئیسلامی.

لە 12ی نیسانی 2001، جێفری شیلینگ بە سەرکەوتوویی لە دەست دیلەکان خۆی ڕزگار کرد لە کاتی هێرشەکەی هێزە چەکدارەکانی فلیپین بۆ سەر کەمپی ASG (شوێنی ڕاگرتنی شیلینگ) و بۆ ئەمریکا گەڕێندرایەوە.

لە 27ی ئایاری 2001دا، ASG سێ هاوڵاتی ئەمەریکی لە هاوینەهەواری دۆس پالماس لە پالەوان لە فلیپین ڕفاند. ئەم سێ هاووڵاتییە ئەمریکییە گویلەرمۆ سۆبێرۆ و مارتین و گارسیا بورنهام (کەپڵێک بۆ بانگەشەی ئایینی ئەمریکی) بوون. لە 11ی حوزەیرانی 2001، ابوصبایا، وتەبێژی ASG ڕایگەیاند کە گویلەرمۆ سۆبێرۆی وەک “دیاری ڕۆژی لەدایکبوون” بۆ گلۆریا ماکاپاگال-ئارۆیۆی سەرۆکی فلیپین لەسێدارە دراوە. لە 7ی تشرینی یەکەمی 2001، لە دوورگەی باسیلان، کەلـلەسەری مرۆڤێک دۆزراوەیوە. دواتر دەرکەوت کەلـلەسەرەکە ئی گویلەرمۆ سۆبێرۆیە. لە مانگی حوزەیرانی 2002، مارتین بورنهام لە شەڕی نێوان سەربازانی فلیپینی و ASG کۆچی دوایی کرد، گراسیا بورنهام بریندار بوو بەڵام ڕزگارکرا و گەڕێندرایەوە بۆ ئەمریکا./

لە شوباتی 2002، سالی تاوانبار کرا لەلایەن دەستەی سوێندخۆرانی باڵای فیدڕاڵی ئەمریکا لە ناوچەی کۆڵۆمبیا لەسەر ئەم ژمارانەی خوارەوە: پیلانگێڕان کە بووە بە هۆی مردن و بارمتەگرتن و سێ ژمارە بارمتەگرتن کە بووە بە هۆی مردن. لە 8ی نیسانی 2004، پاسەوانانی سوپای فلیپین، بەپێی ئەو زانیاریانەی لە ژمارەیەک لە سیخوڕەکان دەست کەوتبوو هەڵمەتێکیان دەستپێکرد بۆ گرتنی سالی، کە لە تەقەی نێوان سەربازەکاندا کوژرا.