محمد عەلی حمادی

“خەڵات بۆ دادوەری” لەبری زانیاری پەیوەست بە محمد عەلی حمادی، ناسراو به عەلی حمادی و کاسترۆ، تاکوو 5 ملیۆن دۆلار خەڵات دەدات. حمادی، ئەندامی حزبوڵای داواکراوە بۆ ڕۆڵی خۆی لە ڕفاندنی فڕۆکەی 847ی TWA لە ساڵی 1985. 

لە 14ی حوزەیرانی 1985، تیرۆریستەکان فڕێنی 847ی TWAیان لە ئەسینا بۆ ڕۆم ڕفاند. لە ماوەی 17 ڕۆژدا فڕۆکەکە ناچارکرا بە هاتوچۆی 153 سەرنشین و ئەندامانی دەستەی دەریای ناوەڕاست، لە بەیروتەوە بۆ ئەجەزائیر و دووبارە، سێ جار لە بەیروت نیشتەوە. لە ماوەی یەکەم وەستانەدا لە بەیروت، ڕفێنەری فڕۆکەکان بە توندی لە ڕۆبێرت ستێم مەلەوانی هێزی دەریاییان دا و پاشان تەقەیان لێ کرد و کوشتیان.

لە 14ی نۆڤەمبەری 1985 حمادی تۆمەتبار کرا بە ڕۆڵ و بەشداری لە ڕفاندنەکەدا. لە 13ی کانوونی دووەمی 1987 لە فڕۆکەخانەی فرانکفۆرت دەستگیر کرا. ئەمریکا داوای تەسلیمکردنی ئەوی کرد، بەڵام کۆماری فیدراڵی ئەڵمانیا بڕیاری دا حمادی لە ئەڵمانیا دادگایی بکات و لە مانگی ئایاری 1989دا بە تۆمەتی کوشتن و بارمتەگرتن و دەستدرێژیکردن و ڕفاندن تاوانبار کرا. حمادی زیندانی هەتاهەتایی بەسەردا سەپێنرا. هەڵبەت لە 15ی کانوونی یەکەمی 2005، لە زیندان ئازاد کرا. حمادی گەڕایەوە بۆ بەیروت، وادیارە هەر لەوێ دەژیت.

لە ڕێکەوتی 12ی تشرینی یەکەمی 2001دا، وەزارەتی دەرەوەی ئەمریکا بەپێی بڕیاری جێبەجێکاری 13224 (هەموارکراو)، حمادی وەک تیرۆریستی نێودەوڵەتی تایبەت دیاری کرد. لە ئەنجامی ئەم دیاریکردنە و دەرئەنجامەکانی تردا، هەموو موڵک و بەرژەوەندییەکانی پەیوەست بە حمادی لە دەسەڵاتی دادوەری ئەمریکادا دەستیان بەسەر داگیرترا و هاووڵاتیانی ئەمریکا بەگشتی قەدەغە کران بۆ هەر چەشنە مامەڵە و سەودایەک لەگەڵ حمادی. لەگەڵ ئەوەشدا، پێشکەشکردنی بەزانیاری یان هەوڵ یان پیلان بۆ یارمەتیدان یان سەرچاوەی مادی بۆ حزبوڵا (کە لە لایەن ئەمریکاوە ڕێکخراوەی تیرۆریستی بیانی ڕاگەیێنراوە)، بە تاوان دادەنرێت. حمادی لە لیستەی تیرۆریستە داواکراوەکانی FBI دایە.