تۆڕی دارایی AQAP
ڕۆژهەڵاتی نزیک- باکووری ئەفریقا و ڕۆژهەڵاتی ناوین
پاداشت بۆ دادپەروەری پاداشتێکی تا 10 ملیۆن دۆلار پێشکەش دەکات بۆ ئەو زانیاریانەی کە دەبنە هۆی لەناوبردنی میکانیزمە داراییەکانی ڕێکخراوی تیرۆریستی “ئەلقاعیدە لە نیمچە دوورگەی عەرەبی (AQAP) “کە “بنکەکەی لە یەمەنە”.
دامەزراوەی AQAP لە یەمەن، لە ڕێگەی چالاکییە داراییە جۆراوجۆرەکانەوە پێداویستییە داراییەکانی دابین دەکات، لەوانە زەوتکردن، قاچاخ و فرۆشتنی نەوت، بازرگانیکردن بە مرۆڤ، ڕفاندن بۆ فیدیە، ڕێکخراوە خێرخوازییە ساختەکان و هاوکارییەکانی خەڵکی وڵاتانی دیکە. سەرکردەکانی AQAP ئەم پارانەیان بۆ دابینکردنی دارایی کڕینی چەک و مەشق و ڕاهێنان و جێبەجێکردنی ئۆپەراسیۆنە تیرۆریستییەکان و هەروەها گرتنەوەی ناوچە جۆربەجۆرەکانی یەمەن بەکارهێناوە.
وەزارەتی دەرەوەی ئەمریکا پاداشتێک پێشکەش دەکات بۆ ئەو زانیاریانەی کە دەبنە هۆی ناسینەوە و پەکخستنی سەرچاوە داراییەکانی AQAP و میکانیزمەکانی دارایی. هەندێک لەو میکانیزمانە بریتین لە:
- کۆمپانیایانە داپۆشەر کە چالاکی نێودەوڵەتییان هەیە بەناوی حەماسەوە؛
- کەس یان لایەن کە یارمەتی حەماس دەدەن لە دەربازبوون لە سزاکانی ئەمریکا و سزا نێودەوڵەتییەکان؛
- دامەزراوە داراییە فەرمییەکان کە بازرگانی لەگەڵ AQAP دەکەن؛
- سندوقەکانی AQAP و میکانیزمەکانی گواستنەوەی موڵک و ماڵی؛
- بەخشەرانی یارمەتی بۆ AQAP یان ئاسانکارە داراییەکانی ئەم گروپە؛
- دامەزراوە داراییەکان یان ئاڵوگۆڕەکان کە مامەڵەکانی AQAP ئاسان دەکەن؛
- ئەو کۆمپانیایانە یان سندوقانەی کە لەلایەن AQAP یان داراییەکانیەوە خاوەندارێتی/بەڕێوەدەبرێن؛
- هەڵمەتەکانی کۆکردنەوەی پارەی ئۆنلاین کە لەلایەن یان بەناوی AQAP ئەنجام دەدرێن؛
- ژمارەی حیسابی دارایی و ناونیشانی جزدانی دراوی مەجازی کە AQAP بۆ گواستنەوەی پارە و مامەڵەکردن بەکاریدەهێنێت؛ و
- پلانە تاوانکارییەکان کە ئەندامان و لایەنگرانی ئاقاپ تێیدا بەشدارن، کە بەرژەوەندییە داراییەکانی ئەم ڕێکخراوە دابین دەکەن.
AQAP لە مانگی یەکی ساڵی 2009 لەلایەن یەکێتی توخمە تیرۆریستییەکانی یەمەن و سعودییەوە پێکهێنرا. یەکێک لە ئامانجە ڕاگەیەندراوەکانی AQAP بریتییە لە دامەزراندنی خەلافەت و جێبەجێکردنی یاسای شەریعەت لە نیمچە دوورگەی عەرەبی و تەواوی ڕۆژهەڵاتی ناوەڕاست. AQAP هێرشی کردووەتە سەر بەرژەوەندییە ناوخۆییەکان و بەرژەوەندییەکانی ئەمریکا و ڕۆژئاوا لە نیمچە دوورگەی عەرەبی و ناوچەکانی دیکە. ئەم گرووپە بەرپرسیارێتی خۆی لە چەندین هێرشی تیرۆریستی لە ئەستۆ گرتووە، لەوانە هێرشەکەی مانگی یەکی ساڵی 2015 بۆ سەر نووسینگەکانی ڕۆژنامەی تەنزئامێزی شارلی ئیبدۆ لە پاریس کە بووە هۆی کوژرانی 12 کەس.
AQAP لقێکی ڕێکخراوی تیرۆریستی قاعیدەیە و لەگەڵ سەرکردە جیهانییەکانی قاعیدە کاردەکات بۆ وەرگرتنی هێزی ڕۆژئاوا و بەهێزکردنی هاوکاری لەگەڵ ڕێکخراوەکانی دیکە. ڕۆڵی سەرەکی AQAP لە ڕێکخراوەکەدا دروستکردنی پەیوەندییەکی دارایی و ئاسانکارییە لە نێوان تۆڕی درێژکراوەی AQ.
لە 25ی دێسەمبری ساڵی 2009، AQAP بەنیازی تەقاندنەوەی فڕۆکەیەک لە ڕێگەی بۆمبێکەوە کە بە تەرمی تیرۆریستێکەوە بەسترابوو بە ناوی عومەر فاروق عەبدولموتەڵەب، بەڵام ئەم پلانە شکستی هێنا. لە کۆتایی ساڵی 2010 ئەو گروپە تەقەمەنییان لەناو پرینتەری کۆمپیوتەردا چاند کە لە ڕێگەی دوو فڕۆکەی بارهەڵگرەوە ڕەوانەی ئەمریکا دەکران. ئەم بۆمبانە لە 29ی ئۆکتۆبری 2010 لە کاتی وەستانیان لە دوو شوێنی جیاوازدا دۆزرایەوە و بێکاریگەر کران.
لە 19ی 1ی 2010، وەزارەتی دەرەوەی ویلایەتە یەکگرتووەکانی ئەمریکا، AQAPی وەک ڕێکخراوێکی تیرۆریستی بیانی بەپێی بەشی 219ی یاسای کۆچبەری و نەتەوەیی (هەموارکردنەوە) و وەک ڕێکخراوێکی تیرۆریستی نێودەوڵەتی تایبەت بەپێی فەرمانی جێبەجێکاری 13224 (هەموارکردنەوە) دەستنیشانکرد. لە ئەنجامدا هەموو سەروەت و سامان و بەرژەوەندییەکانی سەر بە AQAP لە دەسەڵاتی دادوەری ئەمریکادا بەستران و هاووڵاتیانی ئەمریکی بە گشتی لە هەر جۆرە مامەڵەیەک لەگەڵ AQAP قەدەغە کران. تاوانە کە بە دانستە یارمەتی ماددی یان سەرچاوەی دارایی پێشکەش بە AQAP بکەیت، یان مامەڵە بکەیت یان هاوکاری بکەیت.
