Kwek Kee Seng (ខ្វិក គី សេង)
អាស៊ីបូព៌ា និង ប៉ាស៊ីភិក
អំពី
Rewards for Justice កំពុងផ្តល់ជូនប្រាក់រង្វាន់រហូតដល់ទៅ ៥ លានដុល្លារសម្រាប់ព័ត៌មានទាំងឡាយណាដែលឈានទៅដល់ការបន្ទុចបង្អាក់យន្តការហិរញ្ញវត្ថុរបស់បុគ្គលណាដែលជាប់ពាក់ព័ន្ធនឹងសកម្មភាពមួយចំនួនដែលគាំទ្រដល់ប្រទេសកូរ៉េខាងជើង (សាធារណរដ្ឋប្រជាធិបតេយ្យប្រជាមានិតកូរ៉េ, DPRK) មានដូចជា ការលាងលុយកក្វក់, ការនាំចេញទំនិញប្រណីតទៅប្រទេសកូរ៉េខាងជើង,សកម្មភាពតាមអ៊ីនធឺណិតដែលបានបញ្ជាក់ និងសកម្មភាពទាំងឡាយណាដែលគាំទ្រដល់ការកើនឡើងយ៉ាងឆាប់រហ័សនៃអាវុធប្រល័យលោក (WMD) ។
លោក ខ្វិក គី សេង មានសញ្ជាតិសិង្ហបុរី ជានាយក និងម្ចាស់ភាគហ៊ុនរបស់ក្រុមហ៊ុន Swanseas Port Services (S) Pte Ltd ដែលជាភ្នាក់ងារដឹកជញ្ជូនដែលមានមូលដ្ឋាននៅក្នុងប្រទេស សិង្ហបុរី និងជាក្រុមហ៊ុនប្រតិបត្តិការដឹកជញ្ជូន ។ គាត់បានរួមគំនិតធ្វើអាជីវកម្មជាមួយ និងផ្តល់សេវាកម្មដែលជាប់ទណ្ឌកម្មទៅឲ្យកូរ៉េខាងជើង ដែលផ្តល់លទ្ធភាពឲ្យមានកម្មវិធីរីកសាយភាយនុយក្លេអ៊ែរយ៉ាងឆាប់រហ័សរបស់ DPRK ។
ចាប់តាំងពីដើមឆ្នាំ ២០១៩ លោក ក្វិក បានជួយ និងដឹកនាំការដឹកជញ្ជូនអនុផលពីប្រេងជាច្រើនទៅកាន់កូរ៉េខាងជើង និងការផ្ទេរប្រេងពីកប៉ាល់ទៅកប៉ាល់ឲ្យទៅនាវាដឹកជញ្ជូនរបស់កូរ៉េខាងជើង ដែលផ្តល់ប្រភពដ៏ចាំបាច់មួយសម្រាប់បណ្តាក្រុមហ៊ុនដែលមានមូលដ្ឋាននៅប្រទេសកូរ៉េខាងជើង និងសម្រាប់រដ្ឋាភិបាលកូរ៉េខាងជើង ។ គាត់បានរួមគំនិតក្បត់ដើម្បីលាងលុយកក្វក់តាមរយៈប្រព័ន្ធហិរញ្ញវត្ថុរបស់សហរដ្ឋអាមេរិក ដោយការប្រមូលលុយដុល្លារតាមរយៈក្រុមហ៊ុនជួរមុខ ដើម្បីបិទបាំងប្រភពទូទាត់ផ្សេងៗ ហើយរៀបចំប្រតិបត្តិការដើម្បីបញ្ចៀសការពិនិត្យពិច័យ និងគេចវេះពីទណ្ឌកម្មនានា ។
នៅថ្ងៃទី ២៣ ខែមេសា ឆ្នាំ ២០២១ លោក ខ្វិក គី សេង ត្រូវបានចោទប្រកាន់ដោយអាជ្ញាធរសហរដ្ឋអាមេរិកពីបទរួមគំនិតក្បត់រំលោភលើច្បាប់ស្តីពីអំណាចសេដ្ឋកិច្ចក្នុងគ្រាអាសន្នអន្តរជាតិ និងបទរួមគំនិតក្បត់ប្រព្រឹត្តការលាងលុយកក្វក់ជាអន្តរជាតិ ។
យើងសូមលើកទឹកចិត្តដល់ជនទាំងឡាយណាដែលមានព័ត៌មានអំពីលោក ខ្វិក គី សេង ឲ្យទាក់ទងមក Rewards for Justice តាមរយៈកាណាល់រាយការណ៍ពីតម្រុយដោយផ្អែកលើ Tor របស់យើងនៅលើ៖ he5dybnt7sr6cm32xt77pazmtm65flqy6irivtflruqfc5ep7eiodiad.onion (តម្រូវឲ្យមានកម្មវិធីរុករក Tor) ។
