Salim Jamil Ayyash
Nahiyar Near East – Yammacin Afirka da Gabas ta Tsakiya
Lada Don Adalci na ba da tayin lada da ya kai dalar Amurka miliyan 10 don bayanai kan Salim Jamil Ayyash, wanda aka sani da Salim Jalil Ayyash da as Jabber. Ayyash babban mamba ne a runduna ta 121 ta Hizballah, rundunar kisa ta ƙungiyar, wadda ke samun umarni kai-tsaye daga sakataren Hizballah Hasan Nasrallah. An san Ayyash da shiga yunƙurin kai wa dakarun Amurka hare-hare.
A ranar 11 ga Disamban 2020, wata kotun ƙasa da ƙasa ta musamman ta yanke wa Ayyash hukuncin ɗaurin shekara biyar a gidan yari a bayan idonsa saboda laifin ta’addanci, wanda ya shafi harin bam da aka kai a mota a Fabarairun 2005 a Beirut da ya kashe tsohon Firaministan Lebanon Rafik Hariri. Harin ya kuma kashe wasu 21 tare da raunata 226. Kotun ta gano cewa Ayyash ne ya jagoranci tawagar da ta kai harin kan Hariri, kuma Ayyash ya saka hannu kai-tsaye a kisan a ranar da aka kai harin.
