Mahad Karate
Afirka – Kudu da Hamadar Sahara
Lada Don Adalci na ba da tayin lada da ya kai dalar Amurka miliyan 10 don samun bayanai kan Mahad Karate, wanda kuma aka sani da Abdirahman Mohamed Warsame. Karate ya yi aiki a matsayin mataimakin shugaban al-Shabab na ɓoye. Karate na da ikon ba a umarni a sashen Amniyat, ɓangaren bayanan sirri da tsaro na al-Shabab, da kuma masu ɗaukar nauyin ƙungiyar.
Amniyat na taka muhimmiyar rawa wajen aiwatar da hare-haren ƙunar-baƙin-wake da kashe-kashe a Somalia, da Kenya da sauran ƙasashen yankin, sannan tana taimaka wa al-Shabaab wajen gudanar da sauran ayyuka. Amniyat ce ke da alhakin kai harin watan Afrilun 2015 kan jami’ar Garissa University College a Kenya da ya kashe mutum kusan 150, akasarinsu ɗalibai.
A ranar 10 ga watan Afrilun 2015, Ma’aikatar Harkokin Wajen Amurka ta ayyana Karate a matsayin Ɗan Ta’adda na Duniya bisa Umarnin Shugaban Ƙasa na Executive Order 13224, wanda aka yi wa kwaskwarima. Sakamakon wannan ayyanawa, baya ga sauran abubuwa, an hana Karate taɓa duk wata dukiya ko kadarori da ya mallaka da ke ƙarƙashin ikon Amurka, sannan an haramta wa Amurkawa yin duk wata hulɗar kuɗi da Karate. Ƙari a kan haka, laifi ne mutum ya samar ko ya yi yunƙurin samarwa ko ya haɗa baki wajen samar wa al-Shabaab kayayyaki ko taimako, wadda Amurka ta ayyana Ƙungiyar Ta’addanci ta Ƙasashen Waje.
