Jehad Serwan Mostafa
Afirka – Kudu da Hamadar Sahara | Nahiyar Near East – Yammacin Afirka da Gabas ta Tsakiya | Yammacin Duniya
Lada Don Adalci na ba da tayin lada da ya kai dalar Amurka miliyan 10 don bayanai kan on Jehad Serwan Mostafa, wanda aka sani da Ahmed Gurey, Anwar al-Amriki, da Emir Anwa. Mostafa na da shaidar zama ɗan Amurka kuma mazaunin California a baya, wanda ya riƙe muƙaman shugabanci a al-Shabaab, wadda Amurka ta ayyana matsayin Ƙungiyar Ta’addanci ta Ƙasar Waje. An yi imanin shi ne ɗan Amurka mafi girman muƙami da ke aiki da ƙungiyar ta’addanci a ƙasashen waje.
Mostafa ya zauna kuma ya kammala karatun kwaleji a San Diego, California kafin ya koma Somalia a 2005. An yi imanin cewa ya ba da gudummawa a hari kan sojjin Ethiopia kafin ya shiga al-Shabaab a wuraren shekarar 2008. Tare da al-Shabaab, Mostafa ya yi aiki a matsayi daban-daban masu muhimmanci, ciki har da mai horar da ayyukan soja a sansanin ƙungiyar, ya jagoranci mayaƙa ‘yan ƙasar waje a sashen yaɗa labarai, ya shiga tsakanin al-Shabaab da wasu ƙungiyoyin ta’addanci, sannan ya yi jagoranci a wasu hare-haren ƙungiyar da bam. An yi imanin cea har yanzu Mostafa na ci gaba da shirya hare-hare a kan gwamnatin Somalia da kua dakarun da ƙungiyar haɗin kan Afirka ke mara wa baya a Somalia da Gabashin Afirka. Sakamakon haka, Mostafa na ci gaba da yi wa dakarun Amurka barazana da fararen hula da ma kadarori.
A ranar 9 ga watan Oktoban 2009, an gano laifin Mostafa a California kan tuhumar da ake yi masa na haɗin baki wajen samar wa ‘yan ta’adda kayan aiki, da kuma haɗa baki waje samar wa al-Shabaab kayan aiki, da ma taimaka wa al-shabaab. A ranar 2 ga Disamban 2019, an gabatar da tuhuma mafi girma kan Mostafa a kotun tarayya ta Amurka, inda aka tuhume shi da zargin ta’addanci. Mostafa na cikin jerin ‘yan ta’addan da FBI ta fi nema.
