Ali Mohamed Rage
Afirka – Kudu da Hamadar Sahara
Lada Don Adalci na ba da tayin lada da ya kai dala miliyan biyar don samun bayanai kan Ali Mohamed Rage. Rage babban jagora ne kuma kakakin ƙungiyar al-Shabaab, wadda Amurka ta ayyana a matsayin Ƙungiyar Ta’addanci ta Ƙasar Waje. Rage ya shirya hare-haren ta’addanci da yawa a Somaliya da Kenya a madadin ƙungiyar. Ya zama babban kakakin al-Shabaab a watan Mayun 2009. A ranar 6 ga watan Agustan 2021, Ma’aikatar Harkokin Wajen Amurka ta ayyana shi a matsayin Ɗan Ta’adda na Duniya a ƙarƙashin Umarnin Shugaban Ƙasa na 13224, wanda aka yi wa kwaskwarima.
