၁၇ နိုဝင်ဘာ တော်လှန်ရေး အဖွဲ့အစည်း (Revolutionary Organization 17 November -17N)
ဥရောပနှင့် အာၡဥရောပ
About
၁၇ နိုဝင်ဘာ တော်လှန်ရေးအဖွဲ့အစည်း (17N) ကို ၁၉၇၅ ခုနှစ်တွင် လက်ဝဲတော်လှန်ရေးဝါဒီ အုပ်စုအဖြစ် တည်ထောင်ခဲ့ပါသည်။ ထိုအုပ်စုသည် ဂရိနိုင်ငံမှ အမေရိကန်တပ်စခန်းများကို နှင်ထုတ်ရန်၊ စိုင်းပရပ်စ်မှ တူရကီ စစ်တပ်အင်အားများကို ဖယ်ရှားရန်နှင့် ဂရိနိုင်ငံ၏ NATO နှင့် ဥရောပသမဂ္ဂတို့နှင့် ဆက်စပ်မှုများကို ဖြတ်ပစ်ရန် ကြိုးပမ်းပါသည်။ 17N သည် သေနတ်ဖြင့် ပစ်ခတ်ခြင်းများ၊ ဒုံးကျည်ဖြင့် တိုက်ခိုက်ခြင်းများနှင့် မော်တော်ကားဗုံးများ အပါအဝင် ဂရိနိုင်ငံတွင် အကြမ်းဖက်လုပ်ရပ် များစွာကို ပြုလုပ်ခဲ့ပါသည်။ ထိုအုပ်စု၏ အကြောက်တရားစိုးမိုးရေး လှုပ်ရှားမှုကြောင့် ဝီလျံနော်ဒင်း၊ ရော်နယ်စတီးဝတ်၊ ဂျော့စန်းတက်စ်နှင့် ရစ်ချတ်ဝဲလ်ချ် အစရှိသည့် အမေရိကန်သား လေးဦး သေဆုံးခဲ့ရပါသည်။ အေသင်မြို့ရှိ အမေရိကန်သံရုံးကို ဒုံးကျည်ပစ်ဗုံးဖြင့် ၂၀၀၇ ခုနှစ် ဇန်နဝါရီလ ၁၂ ရက်နေ့တွင် တိုက်ခိုက်မှု ၎င်းတို့ ပြုလုပ်ခဲ့သည်ဟု 17N ၏အစွယ်အပွားအုပ်စုတစ်စုမှ ပြောဆိုပါသည်။
၁၉၉၇ ခုနှစ် အောက်တိုဘာလ ၈ ရက်နေ့တွင် အမေရိကန် ပြည်ထောင်စု နိုင်ငံခြားရေးဌာနမှ 17N အား လူဝင်မှု ကြီးကြပ်ရေးနှင့် နိုင်ငံသား အက်ဥပဒေ ပုဒ်မ ၂၁၉ ပြင်ဆင်ချက်အရ ပြည်ပ အကြမ်းဖက် အဖွဲ့အစည်း (FTO) အဖြစ် သတ်မှတ်ခဲ့ပါသည်။ ၂၀၁၅ ခုနှစ် စက်တင်ဘာလ ၃ ရက်နေ့တွင် နိုင်ငံခြားရေးဌာနမှ 17N အား FTO အဖြစ် သတ်မှတ်ခြင်းမှ ရုပ်သိမ်းခဲ့ပါသည်။
